لاحول ولاقوة الا بالله
دخول اطراف غير الزوجين في امور الحياه الزوجيه مهما كان السبب ومهما كان الموضوع بسيط اللي يتدخلون فيه من اكبر الاسباب لتفاقم المشكله اول سبب كان البيت وبعدين تدخل الوالد وتدخل زوج الاخت وبعدها السب والشتم وبعدها ابوك وابوها وبعدين المحاكم
وكل هذا من خروج البنت من بيت زوجها من الاساس لو انطقت في بيتهاماكان صار هذا كله لكن قدر الله وماشاء فعل
والثاني تدخل الاطراف في موضوع يخص الزوجين وحدهم
يااخي ارجوك اقلك ارجع حكم عقلك شكل زوجتك امعه عودتها على الدلع من البدايه استاجر شقه محترمه تناسبكم اثنينكم بسعر معقول وكلم زوجتك لاتكلم غيرها ابوها من الاساس قال لاتدخلوني في الموضوع اصلا وش دخله يركب معكم يدور شقه ليه انتم منتم كفؤ لاختيار الشقه

واهدا اهدا اهدا
لاتغضب لاتغضب لاتغضب
الغضب من الشيطان والشيطان وش تتوقع منه غيرالشر و التفرقه فكر لقدام لايكون تفكيرك في اليوم وبكره فقط انتم لكم ثلاث سنوات مع بعض من احلى مايكون وتحبها وتموت فيها وهي كذلك مشكلتكم في الشقه جيب لها شقه بسعر مناسب وباختيارها اذا قالت ابغى شقه مدري كيف شكلها قلها بيت الملك اختاريه زي ماتبغين بس سمي بالرحمن
مانفع معها خلها تنطق في بيت اهلها ولاكانك عرفتها من الاساس الين يترجونك ترجي انك ترجع بنتهم ولاتطلقها
لكن الان اطرق كل الابواب واستنفذ كل الحلول حتى لاتندم دامكم مبسوطين مع بعض ومرتاحين
بس اهدا الان خذ نفس وريح للاخر ولاتخلي للشيطان باب
هم بعض الحريم كذا عوج عقولهن سلطه وانتم احكم واعقل
اتمنى لك كل خير