السلام عليكم
تعبت من المقدمات تعبت من الاستشارات ما عاد امتلك اي طاقة للتعامل مع احد بشكل عكس ما اشعر به شكل يكلفني مجهود ..

نبذة بسيطة عني : طالبة جامعية عمري 23 واثقة من نفسي وقوية .

نبذة عن امي : شخصية متسلطة ودائمًا تشعر بأنها مظلومة بالرغم من انها جدًا محظوظة .


اولاً اعذروني افكاري مشتتة وحاولت اكتب الكلام بشكل مرتب لكن ما قدرت

امي ما عندها مشكلة معاي الا ان اللي بعمري تزوجوا وانا لأ تصطاد اللحظات اللي ممكن ترمي فيها عليّ الكلام اللي بعمرك معاها اطفال وانتي ع قلبي اللي بعمرك الله مسخر لهم حظوظهم وانتي متعثر حظك و الخ

امانه انا شنو ذنبي تعايرني بشغلة ماهي بيدي ؟!
النصيب ما جاء وانا واثقة من ربي وراضية باللي يكتبه لي لكن هي تسوي لي حرب نفسية تحسسني اني اقل من غيري مع اني الحمدلله ماني اقل من غيري مثلي مثل كل البنات
تقول لي كلام يسم يسم البدن لدرجة تخنقني العبرة لكن ما تنزل دموعي لأن شعور القهر اكبر من شعور الحزن

هي كانت تتمادى عليّ باشياء كثير لكن كنت اخبر ابوي عنها ويوقفها عند حدها لكن هالموضوع ما اقدر اخبره فيه ما ادري كيف اتعامل معاها
لساني سليط جدًا لكني اخاف الله فيها وبكل مره اقول لأجل ربي باسكت لكن الان احس بانفجر فيها ما فيني قوة تحمل
والله انها تقول كلام يفجع العدو ما ينقال له
مستحيل تقارنني بالناجحات مستحيل تقارني بأي أمر يرفع من قيمة البنت ما تقارني الا بزوجات اللي كانوا يتقدمون لخطبتي وما صار بيننا نصيب
هذي المقارنة توجع قلبي احسها تمكّن الشيطان من عقلي وقلبي استغفر الله .. انا انسانة واعية وفاهمة ولا يمكن اقارن نفسي بأحد بس هي تفتح لي باب افكار سيئة كئيبة

ممكن هالموضوع محد يتفهمه الا من مرت بمثل ما مررت به


رجاء ساعدوني لو بكلمة
اشيروا عليّ

مع الاخذ بعين الاعتبار ان والدتي انسانة ما تعترف بالحوار والنقاش والعتاب .. اذا قسيت عليها بالكلام تهجد عني شهر شهرين واذا سكتت تستمر الى ما لا نهاية ، حيل تعبت منها