وعليكم السلام

يا أخي الله جميل يحب الجمال

مدام إنك ما شاء الله تقول وضعك المادي ممتاز وذوقك راقي
ليش تحرم نفسك أولاً وتحرمها..

أظهر نعمة ربي عليك، اللي أعطاك الذوق والمادة والصحة
ما فيه شيء يعيقك ما شاء الله

ومو شرط تلبس لبس بألوفات..
المهم أشياء أنيقة وبسيطة،
ولا تسرف بس ضروري تغيّر.. ليش تلبس الجزمة سنوات!

وليش ما تكوي شماغك وأنت ما شاء الله ما فيك إلا العافية


وليش ما تتعطر دام إنك تحب تكون دايم نظيف..
حتى لحيتك وش يمنعك تحلق، ما أعتقد إنها بتاخذ منك عشر دقايق

،،
معليش بكون صريحة معك شوي..
بس زوجتك بتتأنق لك كل وقت
بتتعطر
بتحافظ على نظافة جسمها وشعرها
وأنت تحلق لحيتك فقط ومتكاسل، هي بتهتم بصفاء ونظافة جسم كامل


أتوقع بعد فترة زوجتك بتزهق ..
بتقول وش حادني أكشخ وألبس لواحد ما يعاملني بالمثل!


عموماً..
وحتى لو ما سوتها زوجتك..
من حقها عليك إنك تكون لها بالصورة اللي تتمنى تشوفك فيها


أصلاً أنت إذا اهتميت بنفسك أكثر بتحب نفسك أكثر
بتحس إنك إنسان غييير، صدقني!


موفق خيي
والله يسخر لك ويسعدك