رد: ابي يرفض استقالتي من عملي
بعطيك رأيي يافليكا بكل موضوعية بس بشرط تعطيني أول وعد انك ماتزعلين مني لأني أحبك وأتمنى من قلبي لك السعاده مع هيموو : )
لكن صديقك من صدقك !
تدرين وش مشكلتك ؟ ماعندك أهداف ترتبين على أساسها قراراتك !!!
فليكا إنتِ عشوائية تقررين بدون أهداف حتى تقررين وإنتِ مو عارفة وش الخطوة الجاية !!
أممم شلون أوضحلك أكثر
يعني ساعات أحس أنك مو حاطة أقدامك عالأرض بثبات وتمشين صح لا أحس أنك تطيرين فوق الأرض وتتخبطين وبس
( حشا جني مو فليكا ههههه)
يعني بسألك لما قررتي الإستقالة لأن العمل يضايق نفسيتك حلو مو مشكلة
طيب جاوبتي على تساؤلات مستقبلية !
1- تعودتي تستلمين شهرياً مالايقل عن 10000 ريال وترتبت حياتك على هالأساس هل أنتِ قادرة الآن تتنازلين عنها ؟
2- هل حوشتي مبلغ جيد عالأقل نقول ممكن تشتغلين عليه بعدين ؟
3- زوجك من أسرة غنية لكن .. أخته وهي أخته وبنتهم ماقدرت تعيش بدون وظيفتها الحكومية المملة اللي راتبها يعادل رواتبنا وتدور بملفها من مدرسة لمدرسة من الصبح للظهر ؟! معناه أن حتى هم لايمكن يعيشون بدون وظيفه ايضاً !!
4- ناهيك على أن زوجك هو بنفسه للآن بدون وظيفه أصلاً .. ؟
5- فيه تلميحات أكثر من مرة أن هو وأهله بصفة عامة كانت وظيفتك وكيانك من الأسباب اللي أبهرتهم وشجعتهم عالخطبة والدليل زوجك مارحب على طول بفكرة إنك تستقيلين ؟!
6- الأهم من هذا كله يخيتي إنك ضامنة الدنيا معه ! مو تشاؤم ترى أنا أكثر إنسانه متفائلة في الدنيا وأعيش لحظتي بالطول والعرض لكن فعلاً هل تضمنينه !! وإنت حتى علاقتك بأهلك متوترة وماقدرتي تعيشين معهم ؟!
الحياة ترتيب أنا أخطط لمستقبلي عشان أعيشه صح وما أنكسر
ترى أنا وظيفتي ماحب أتكلم عن أول إلتحاقي فيها لأني حاربت مثلك أبوي مو راضي وزوجي مو راضي وصكت الدنيا وعاندت ورحت وجاهدت لين نقلت لكن الآن أفخر بقراراتي الصحيحة لأن الشعور بحد ذاته ممتع !
بإختصار بقولك مثل ماقال أحد الإخوان خلي فورة العرس تنتهي أو احنا بالعامي نسميها (طيرة العرس
) وبعدين قرري صح
ولو ببيعك ننصيحة للعمر وتشرينها مني !
بقولك اللي يقوله أبوك هو الصح وإرضيه يافليكا مادمتِ للآن قادرة ترضينة ؟!
__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾
هُنا دلال ، حيثُ نجد وحيثُ الشمال