المشاركة الأصلية كتبت بواسطة Be brave

السلام عليكم ورحمة الله وبركاته ،،
اتمنى ان يكون الجميع بأحسن حال ❤
سبق وكتبت لكم مشكلتي اللي صارت مع زوجي وانه اهله متحكمين فيه درجه اولى وشخصيته ضعيفه جداً ،،
راح اقولكم التفاصيل اللي حصلت بجلسة الصلح في المحكمة طبعاً بعد مااخذوا اقوالي واقوال زوجي ، جمعونا الاثنين ووجه الشيخ كلامه لي بقوله انه زوجي يحبني ومتسك فيني ويبغاني ومايبغى الفراق ( اشعر انه يكذب بس عشان ارد له المهر كامل قال كذا ) وانا قلت كل شي عندي من عدم التزامه بشروط العقد الموجوده بالعقد من مسكن واكمال الدراسه وغير شكه فيني واتهامه لي بأمور وذكرتها للشيخ والشيخ طبعاً ابدأ رأيه بأنه هذا لايجوز ولايحق له يمسك جوالي بأذني او بدون اذني ، المهم بعد حدييث طويل قلت انا ماعندي مشكله بالرجوع لكن لازم يعرف اني ماعاد اثق فيه لانه يوعدني بكلام وماينفذه ، الشيخ قال مايصير الا اللي يسر خاطرك والزمه بشروط بذكرها لكم واحلف انه الشيخ بادر بها بدون لا اقوله انا ، الشرط الاول رضوه بمبلغ وقدره والشرط الثاني مصروف شهري وحددت المبلغ والشرط الثالث مايمسك جوالي نهائياً وغير الشروط الاساسيه اللي هي الدراسه والمسكن والوظيفه ، طلب الشيخ منه ان يوقع على هذي الشروط حتى تتم المصالحه ، طبعاً لما جات الورقه امامه رفض يوقع وكان السبب موضوع الجوال وقال انه هذا الشرط ماله داعي وانه عاهد الله انه مايمسك جوالي وشيلوا هذا الشرط ، طبعاً الشيخ طلب مني اتنازل عن هذا الشرط بس رفضت رفض قطعي وقلت هذا اهم شرط وماراح ارضى واذا مايبغى خلاص حولونا لجلسة التحكيم وبلاش صلح طالما مارضي يوقع ، وهو قال طالما ماتنازلت عن هذا الشرط خلاص حولونا للتحكيم ، وانا اصريت على موقفي والحمد لله والان كتبولي جلسة صلح اخرى مع اني لااريدها ولكن مجبوره ، قبل لا يجي الموعد كنت ادعي الله انه اذا كان طلاقي منه فيه ظلم له ياارب لاتجعلني اتطلق واذا كان رجوعي له فيه ظلم لي يارب لاتكتب لي الصلح والرجوع وسبحان الله مع اني في نفسي اميل للطلاق ولكن في الجلسة هذا اللي صار ، راح اقولكم رأيي والله احسست في نفسي انه زوجي رفض التوقيع على الشروط بسبب الرضوه والمصروف وانه مايبغى خوفاً من اهله لانه (هم معروفين ببخلهم ) بس قال انه سبب رفضه عشان شرط الجوال ومايقدر يصرح للشيخ انه بسبب الرضوه والمصروف لانه من بداية الجلسة الشيخ يمدح فيه وفي كرمه بما اني انا ذكرت انه مو بخيل ،، وحابه انوه انه هو مو بخيل زي اهله ولكن اهله مفهمينه من قبل انه مايعطيني مصروف ،،،
مارأيكم انتم في هذا الموضوع .