السلام عليكم و رحمة الله و بركاته
انا بكتب هنا بعد تفكير طويل و حيرة و ربنا يجازيكم كل الخير ان شاء الله لما تقرأوا موضوعى و تحاولوا تساعدونى .. انا تزوجت انسان محترم الحمد لله و هو من عيلة ابسط من عيلتى شوية و تحملت من والديه اول زواجى اتهامات باطلة و ضغط عصبي و حتى زوجى نفسي قاطعوه و الحمد لله الان تصلحت الاحوال معهم و لم يكن عندنا بيت فاشتغلت و حطيت فلوسي مع فلوسه و جاب بيت كتبه باسمه هو فقط و ربنا رزقنى بنت بعد سنتين زواج و انا متغربة مع زوجى بدولة خليجية و نظرا لان بنتى تعبتنى بعد الولادة سهر و مجهود نزلت مصر لاهلى ٥ شهور ثم عدت لزوجى و لكن خلقى اصبح ضيق جدا و لم اعد اهتم بالبيت بسبب بنتى و دايما اصرخ فيها و بصراحة انا اعترف بسوء شخصيتى خلال السنة و نصف الماضيين و كمان لما اتخانق مع زوجى كنت بقول كلام صعب و احيانا شتائم بسيطة لكن و الله ما اقصدها خالص لانى احب زوجى جدا و كل الكلام الذى اقوله وقت الخناق بيكون من وراء قلبي و لكن خناقاتنا تكررت و مع شخصيتى التى اصبحت عصبية اتخانقت مع زوجى خناقة تافهة فعلا و لكن هو اتصل بوالدى و لما سمعته بيكلم والدى خبطت الباب جامد و قلتله لية بتكلم ابويا؟ و شتمته راح مسك ذراعى بشدة و رمانى و ذراعى ازرق و اتصدمت و حصل عندى تشنج و جابلى الاسعاف و الحمد لله عدت و لكن تانى يوم اتخانقنا لانه تعامله معى كان سئ و قلتله هضربك زى ما ضربتنى فضربنى تانى جامد و ابى دايما فى صف زوجى حتى لما ضربنى و ادرك ان ابي محق و لكن هذة المرة صرخت و قلت لابي ضربنى بسببك انت متهاون فى حقى فأبي كلمه و قال له انت غلطت انك ضربتها .. المهم قلتله هسيب البيت قالى امشي و لقيته اخد مصروف البيت من محفظتى و راميها على الارض و حجزلى طيارة انا و بنتى من ٣ شهور و نزلت مصر .. لما كلمنى بعدها باسبوع كلمته و كان واحشنى و قلت له نتصالح فتكبر عليا فى الكلام و لكن اتصالحنا و مشيت الامور تمام و فى يوم كلمتنى امى قالت لى المفروض يكلم ابوكى كمان لان ابوكى داخل الموضوع و كمان ابوكى زعلان منه فقلت له كلم ابويا لانه زعلان و قامت خناقة تانية لانه مغلط ابويا جدا رغم ابويا كلمه بمنتهى الادب .. المهم انا غلطااااانة و ندمااااااانة اشد الندم بسبب اسلوبي و بسبب تكبري و بعد ١٠ ايام اتصلت بيه مردش نهائي و كنسل بعتت له رسايل و كلمت زوجة صديقة تطمنى عليه و اخيرا رد بشكل جاف و قالى كلمينى رسابل لو فى حاجة مهمة فقمت بارسال رسالة صوتية مدة نصف ساعة اقول له انى بحبه و هنتظره يهدأ و يكلمنى و مكانته محفوظة عندى و كبيرة لكنه مردش و قعدنا اكثر من شهر متخاصمين مكلمنيش و فعلا تعذبت و تعبت و خفت انه يكون كرهنى و كمان لم يرسل لى و للبنت اموال فدخلت سألته فين الفلوس؟ و البنت اية ذنبها؟ مردش و لكن تانى يوم سألته تانى فضل يعاتبنى انى شتمته و ان ابويا ساعدنى فى غلطى و كلام كتير و قالى اذا عاوزة الفلوس اعتذري و اعتذرت قالى خلى ابوكى يبلغنى الاعتذار و ابويا كلمته زعل ان زوجى بيتكبر عليا و لكن كلمه و قاله سامحها يمكن تغيرت و الكلام دة من كام يوم و لكن زوجى الان يكلمنى كلام بسيط و لا يبين لى اى لهفة حتى بعد كم الاعتذار الكبير و البكاء الذى بكيته و لم يعد يتصل بي بنفس الشكل و اصبح قليل الكلام و لا يقول لى انه اشتاق الى و احاول ان اضحك معه و ان اجر من فمه الكلام و يضحك احيانا و حجز لى و للبنت تذكرة العودة بعد ٢٠ يوم لكن لا ادري لقد تغير .. يا ريت رجال المنتدى يفيدونى بالله عليكم نفسي احسسه انى فعلا ندمت و ازاى اخليه يتقبل اعتذاري و يرجع زى ما كان؟ .. ملحوظة .. زوجى به عيوب و لكنى اتقبلها .. منها مثلا انه لو جاب هدية و اتخانقنا يقوم يخصم فلوسها من فلوسي اللى عنده.. و انا عندى مميزات لست انسانة سيىة بالمامل .. يعنى كلنا بشر.. جزاكم الله خيرا