أختي وأنا في حيرة ...ساعدونا
السلام عليكم ورحمة الله
شقيقتي الصغرى (19) سنة تقدم لها شاب ملتزم + خلووق + من عائلة كلها طيبة وأخلاق وأمه زي العسل.. تقدم لها من حوالي 9 أشهر
مشكلة هذا الشاب ان باقي له سنة على التخرج من كلية اعداد المعلمين..
والمشكلة الاكبر ان اخواني طول المدة هذه ..مطنشينه وما اعطوه رأي صريح وواضح 
أبو الخاطب دق على اخوي الكبير عشان يتفاهم معه ويحسم الموضوع..بس اخوي الكبير قال له ( انه مشغول وبيدق عليه مرة ثانية )
ابو الخاطب انتظر وانتظر ولا احد كلم...المهم ارسلت لي اخته رسالة تقول ان اخوها وابوها منتظرين مكالمته وما رح يدقوا مرة ثانية لآنهم استحوا مرررررررة..
انا اختي موافقة على الشاب هذا..بس اخوي الكبير ..شكله مو مقتنع..وراسه يابس واذا زعل ..زعله كايد..واختي خايفة من زعله ..ما تبغى تتزوج وهو زعلان عليها..
اخوي قال ..يمكن ما يتوظف ..الوظائف هالايام قليلة ( وثاني شيء ان الشاب هذا كان ضحية مع اصدقاء السوء في قضية ماء قبــــل 8 سنوات تقريبا وسجن بناء عليها كم شهر ..)
طبعا الحين الشاب هذا عمره 26 وقد تاب إلى الله واطلق لحيته و قصر ثوبه من يوم السجن ..وصار امام مسجد..ونحسبه على خيرر إن شاء الله
المشكلــــــــــــــــــــــــــة العوييييييييييييييييييييصة
كيف نقنع اخوي الكبير ..انا كلمت قبل شوي اخوي الثاني ..وقال ان اخونا الكبير اذا زعل زعل واذا حقد حقد..وقال ما رح يوافق لآن اصلا الشاب هذا يمكن ما يتوظف
(( طبعا لو وافقوا وتمت الخطبة فستكون الملكة في بداية الترم الدراسي الثاني وسيكون الزواج في نهاية السنة الدراسية القادمة )
تكفوووووووووون كيف اقنع اخواني خااصة الكبير
انا ارحم اختي لآنها اخر العنقود ابوي توفى وامي حامل فيها..و حالتها النفسية في تدهور ...بسبب خصام امي المستمر لها ..وامي مسكينة معذورة عندها سكر وضغط.. بس دايم تعير اختي تقول
انتي اصلا مين بيتزوجك..ما حد متحملك..وش اسوي اذا تبغي تتزوجي؟؟
مع ان اختي من النوع القنوع..ولا تقول لأمي ان ودها تتزوج....بس اختي اعجبها هذاك ونحن اخواتها ايضا لآنه ملتزم و خلوق ..وقليل في مثل صفاته هالايام
محتاجينكم ..تكفوووووووووون ساعدونا
والمرء قليل بنفسه كثيييييير باخوانه
السلام عليكم
__________________
الحمدلله حمدا يليق بجلال وجهه وعظيم سلطانه..الله اجعل ابنتي من الصالحات وأعني على تربيتها يارب
التعديل الأخير تم بواسطة غلا 2005 ; 02-08-2007 الساعة 06:21 AM