رحم الله والديكم ؛ وأنا متابع الردود
حالياً / عندي مشكله صغيره جداً اعاني منها ؛ وسبق وقلت لكم ؛ انا اغلقت الماضي بخيره وشره ؛ وأرتحت نفسياً والحمدلله ؛ ولكن الحين الذكريات ذبحتني ؛ والله ثم والله اني كرهت طليقتي كره العمى ؛ لكن تلاقوني بعد ١٠ ايام او بعد اسبوعين مزاجي يتغير فجأه وبدون مقدمات ؛ اشوف نفسي زعلان وواضح اني بحالة هم وحزن ؛ وأنا من الناس اللي مااظهر همي وحزني وزعلي قدام الناس ؛ اتضاهر اني مبسوط ؛ ومن الداخل مقهور ؛ مقهور ؛ ليش مااعطتني فرصه طليقتي وترجع لي قبل أن هي تتزوج ؛ انا اعرف ان الحل بالنسبه لي ؛ هو الزواج ؛ والزوجه الجديده إن الله وفقني فيها بتنسيني الماضي وماحصل فيه ؛ وأنا اعرف ذلك ؛ اللي احب اقوله للرجال وللحريم ؛ ان الطلاق شتات وتفكك وأنهيار للأسره ؛ فأنا اعاني من ٣ اشياء ؛ ١/ افتقدت لأولادي وقلبي يحن لهم وبالرغم كل اسبوعين آخذهم عندي يومين وإذا تزوجت بآخذهم معاي ؛ ٢/اعاني من الذكريات اللي تجمعت بالخير والشر بيني وبين طليقتي ؛ وتجيني لحظات اتذكرها وأتذكر السواليف والضحك وقلبي يحن لها ؛ وأتذكر اجمل ايام العمر معاها ؛ وفي نفس الوقت اكرهها عندما قهرتني وكسرتني لأنها مااعطتني فرصه ؛ قهرتني لأني يشهدالله اني تغيرت ١٨٠ درجه وصححت اغلاطي ومااعطتني فرصه ابد ؛ لكن تأكدت انه نصيب وإرادة الله فوق كل شي . والحمدلله على كل حال
اللي حاب اقوله ؛ الطلاق دمار وشتات وتفكك وأنهيار للأسره ؛ مثل ماتنهار العماره وتتفكك لأجزاء ؛ هذا هي نتيجة الطلاق ؛ الطلاق بوجود اطفال هو الشتات والتفكك وكسر الظهر ؛ والطلاق بدون اطفال بيهون الموضوع شوي ؛ الله يعوضني ؛ والله يعوض الجميع ؛ والحمدلله قررت عالزواج السنه الجايه ؛ من بعد شهر ٣ في السنه الجايه إن شاء الله ؛ والحين ماني حاط عيني على زوجه معينه ؛ لأني الحين ماافكر بالزواج ولا واحد بالميه ؛ ماندري ؛ العلم عند الله ؛ يمكن شر والله صرفه عنا ؛ الله يدبر الأمر ؛ والحمدلله على كل حال