كبير المراقبين [ وسام العطاء الذهبي 2016 ]
تاريخ التسجيل: Jun 2012
المشاركات: 10,291
رد: كوفي تجمع الصبايا 5
ووفا على سؤالك عن المساعدة الحمدلله بيساعد
واول ما اتزوجت كان يستلم التواليت وانا المطبخ اذا رفقاته جايين يسهروا
ومرات يهوفر ويضب
ومرات كان يطبخ معكرونة خاصة فيه هههه بس متل ما قالت هجور بيمشي المطبخ من وراه
فحلفت يدخل المطبخ
بس بسمح بضب الاطباق عن السفرة
وصهري بيساعد اختي كتير
ومرة كنا عند ماما عم نتروق قام صهري جلى الجليات وانا وماما واختي قعدنا ههههه
ومرات اخي بيجلي الجليات لماما
واخي بيساعد زوجته كمان
حتى قبل الزواج وقت كنا نعزل البيت كانوا اخواني الصبيان يساعدونا بتلييف حيطان المطبخ وغسل السجاد
هلئ بعرف ناس كتير بتساعد وناس كباية الماي بدهن مين يجيبها
يعني مش الكل نفس الشي وبحس عالاغلب حسب كيف اتعود ببيته
يعني كنت اسمع مرات من بعض الامهات تقول ابني بدي خليه يشتغل بالبيت ليش هو إمرأة وتستنكر
المساعدة وتحسها عيب
واسمع من البعض الآخر انو اولادها شطفولها البيت وساعدوها
فبعرف رجال بتساعد زوجاتهم ورجال لا
وانا بالنسبة الي بشجع كل ام انو تعلم اولادها يساعدوا امهم واختهم وزوجتهم ويخدموا انفسهم
حلوة المشاركة بين الاثنين في حال كان الرجل عنده وقت والزوجة عم تتعب بين البيت والاولاد
او على الأقل يخدم نفسه اذا ما عنده وقت للمساعدة
__________________
اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه
التعديل الأخير تم بواسطة mimomea ; 24-10-2017 الساعة 04:47 AM