يسعدلي مساكن يا عسولات الكوفي ❤❤❤
كيفكن اخباركن ان شاءالله الكل بخير


حبيبتي اسعد فتاة حضرت موضوع بالنسبة لشهر رمضان على هيدا الرابط
http://www.66n.com/forums/showthread...=1#post3530264


الله يبلغنا شهر رمضان قيامه وصيامه


الله اعلم اذا بضل هيك ما بعرف شو رح يصير فيني وقت الصيام
بس الحمدلله عندي ثياب جديدة الي وللاولاد بعد ما لبسناهن يعني مرتاحة من اني روح ابرم في المحلات لثياب العيد انا وصايمة

وان شاءالله صير احسن من هلئ لوقت يبدأ الشهر الكريم
لأنو لمن كم يوم بلشت بتناول الادوية
ما فيني خبركن شو صاير فيني
أنا كأني مش أنا انحطاط وكسل وما بحب اسمع اي اصوات وازعاج والطاقة عندي صفر
لا عم روح امشي ولا الي مروة روح ولا عم قوم بالاعمال المنزلية بحب ضل مسطحة
هيدي الاعراض صرلها من كم شهر وتقريبا بخلالهم عملت تلات مرات نفس الفحص وما كان يعطيني الدكتور علاج ليرجع يعيد الفحص بعد كل فترة تقريبا كل شهر ونص
بآخر فحص قرر يعطيني علاج لانو عندي هرمون الغدة بأعلى معدلاته
وفيتامين د نقص حاد فيه وطلب مع الدوا اني اتعرض يوميا للشمس بس انا بحاول قد ما بقدر اتجنبها كل ايام السنة
ما بحبها بتعصبني😂😂😂😂

وباخر فحص بين عندي كمان في نقص حاد بالحديد بالدم مع اني باكل خضروات كتير واسماك وحبوب
ما بعرف يمكن جسمي ما عم يمتصهن

وبعد شهر ونص بدي ارجع اعمل الفحص

المهم با صبايا انا مش متعودة على حالي هيك وهالشي معصبني وعاملي كآبة
ما عم صدق وكأنو ميمو الفرفوشة اختفت
وجابوا وحدة غيرها هههههههه
صديقتي بتضل دايما تسميني الست معجوقة هلئ بس احكيها بقلها دخلك شفتيلي الست معجوقة وينها 😅😅😅😅

عنجد السلبية ما حلوة بالشخص حلو مهما مر بظروف يضل كله حيوية وتفاؤل ولو فترة بسيطة باليوم بتعطيه طاقة عن كم يوم

عم حاول وعم افشل ان شاءالله بعد فترة ارجع متل قبل كرمال ما خلي الاجواء ضبابية اصلا ما بتلبقلي

طمنوني عنكم شو عاملين بهالايام والله مشتاقة لصبايا كتير ما بدي سمي اسماء
كرمال ما يغيب عن بالي اسم حدا منكن ❤❤❤❤

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه