بداية ألف شكر لك على الرد والاهتمام.. الله يجبر بخاطرك..
لا هي مابتعرفني.. ويمكن نسيت أذكر إني لما لمحتها أول مرة بعد ما دخلت على المكان إنها كانت متوترة وبتهز راسها يمين وشمال بعد ما شافتني وهي عم بتقول بتوتر: ما بعرفه.. ما بعرفه..
وسبحان الله.. يمكن كوني خرجت من المكان ورحت أصلي في الجامع خلاها تهدا شوي وتتطمن وإنو الموضوع عادي وما في شي يخوف..
وحتى لما رجعت ولقيتها هديت تماما وسلمت عليها وقلت لها السلام عليكم.. انتي فلانة الفلانية؟..الخ.. بدأت معها الكلام والحديث بإني ذكرت لها إنك فعلاً ما بتعرفيني لكن أنا بعرفك.. وبلشت أشرح لها كيف عرفتها من الألف للياء حتى ارتاحت واطمنت وصار اللي صار من اللي حكيته..
وبالنسبة لسؤال حضرتك عن أبوها.. فبقدر أقول إني بعرف مكانه حالياً بنسبة 70% ومع العيد الجاي إن شاء الله بكون عرفته واتأكدت من مكانه 100%.. يعني مو شغلة.. لكن النقطة مو هون.. النقطة إنه حتى لو أنا رحت له وسألته واتقدمت رسميا فبدو (في الغالب) يقول لي: بدنا نشاور البنت.. يعني بدنا نصير ندور في حلقة مفرغة ما راح تجيب أي نتيجة.. وفوق هاد راح يرجع علي بالخسارة كونه المسألة فيها سفر طيران واستئجار مكان للسكن..الخ..
صحيح إنها ارتبكت وانحرجت واتفاجأت مثل ما تفضلت انت ومهرة وأسعد فتاة (الله يجزيكم الخير ويباركن فيكم يا رب على تنبيهكم لي على هالنقطة اللي كانت فعلا غايبة عن بالي) لكن رغم هاد كله: ما كانت بتقدر تقول: هادا رقم والدي وهادا عنوانه.. روح احكي واتكلم معه؟
ما كانت بتقدر تقول: الحكي مو معي.. مع أبي؟
ما كانت بتقدر تحكي وتقول هيك طالما الموضوع هو موضوع زواج وارتباط.. مو موضوع فسحة ولا رحلة سياحية أو عروض ترويجية..الخ؟
يعني لو حتى في رفض فيكون على رفض مبني على أساس طالما الموضوع (حسب علمي وفهمي) موضوع مصيري
وبعدين على حكاية إنها خايفة إنه الواحد يفهم إنها تكون ميتة على الزواج: ما أنا ميت أكتر منها وأنا اللي تقدمت وأنا اللي تجرأت وطلبت؟ شو فرقت يعني؟ وأصلاً وين العيب طالما الزواج هو سنة الحياة والكون؟

بتشكرك مرة تانية وآسف كوني غلبتك معي.. الله يبارك فيك