منتدى عالم الأسرة والمجتمع - عرض مشاركة واحدة - اعمل ايه دلونى اخواتى في الله؟؟!!!!
عرض مشاركة واحدة
قديم 20-05-2008, 10:15 AM
  #7
kindelybaby85
عضو جديد
تاريخ التسجيل: Mar 2008
المشاركات: 26
kindelybaby85 غير متصل  
إنت مش جوازك بعد شهر ؟
ليه الوساوس و الأفكار الهدامة اللي مالية بيها راسك دي ؟
خلاص 30 يوم إن شاء الله و ينتهي الموضوع كله
كله بامر الله وانى لصابرة الى ان يجمعنى الله بمن احببته ف الله وامام الجميع والله خير المستعان
بالنسبة للهدايا فإحنا عندنا مواسم , هل جابلك حاجة في المواسم ؟اه والحمد لله ف المواسم بيعمل الواجب معاى ومامته بتجيب لى ملابس وهو بيعطى لى نقود
إذا لأ يبقا غلطان لازم يجيب هدايا تساعدك في التجهيز و والدك عنده حق
أما لو كان قصدهم هدايا من غير مناسبات فدي ترجع لخطيبك
صح وانا قلت لهم كده بس همازعلانين ودوما بيعملوا مقارنات بينى وبين الاخرين وانااصلا مش محتاجة حاجة منه غير انه يحافظ عليا
أنا لاحظت من كلامك إن شخصيتك ضعيفة جدا جدا , مش بس قدام أهلك , لأ قدام أهلك و خطيبك و باقي الناس
تبوسي راس و خد فهمنا , تبوسي أيادي ليه ؟ مش المفروض تعملي كده
بوس اليد بيكون من باب بر الوالدين لأن ايدهم ليها أفضال عليك , أما جد خطيبك ايه أفضاله عليك عايزة أفهم !!يمكن عندك حق بس انا عودت نفسى على كده ان اى حد كبير بالسن لازم ابوس اليد وانحنى لهحل مشاكلك كلها انك تتشجعي و تتكلمي أما انك تفضلي خايفة كده و تتقبلي الموضوع بانهزامية فإنتِ اللي حتجني على نفسك
بقولك حاجة , اللي مش بيطالب بحاجته محدش بيجيبهاله
و لما أهلك بيقولولك ليه مش بيجبلك هدايا زي فلانة و خطيبها لازم تردي عليهم بجملة وحدة :
ما تقارنوش بيني و بين غيري و إلا أنا كمان حقارن بينكم و بين غيركم , ليه بتقولولي أخد هدوم قديمة أحطها في جهازي !!

اكتبي لأمك اللي انتِ عايزاه في ورقة و خليها الحاجات اللي محتاجاها فعلا و عايزاها
و خليكِ قوية و اطلبي منهم , ضعفك ده مش حينفعك بحاجة

و بطلي تقارني نفسك بإخواتك في تخيلاتك , انتش تعرفي منين ان أبوكِ مش حيعدل بينكم
ليه بترسمي لنفسك أوهام و تعيشيها
و ايه الأسئلة البايخة اللي بتسئليها لخطيبك دي ؟

تفكيرك في السيكولوجي اسمه تفكير استشهادي , دايما متخيلة انك ضحية معذبة حتموتي
ده كله غلط على صحتك النفسية , انتِ حتستفيدي ايه لما تعرفي جوزك حيتجوز بعد موتك و لا لأ
المهم عندك تعرفي جوزك حيعمل ايه و لا المهم إنك تفكري في الحساب و الجنة و القبر
والله ده الى بافكر به واوزى هموت وهل ربنا هيرضى عنى ولا لاء بس غصب عنى بشاركه معاى لانى حاسة انه بقى جزء منى ولازم نشارك بعض افكارنا

ما تربطيش فكرة الموت بالدنيا , لأن فكرة الموت ليها قدسيتها اللي لازم ترتبط بالعبادة و الحرص و الطاعة
مش الكلام الفاضي اللي بتتخيليه ده

و في الآخر بقولك . 30 يوم قدامك عشان تهتمي بنفسك و بشرتك و صحتك و تجهيزاتك
مش عشان تبكي و تحزني و تتخيلي الموت !!!

مبرووووووك يا عروسة
[/COLOR][/QUOTE]