المشاركة الأصلية كتبت بواسطة ساري الليييل

ولد اختي نفس طريقة زوجك ، ونفس معاناتك ، وزعلت قريبتي حيث هي نصحته اكثر من مره ولافاد فيه ، وقالت انا عندي بنت وعمرها ثلاث سنوات ولاعاد ابغى اطفال مع هالحشاش وحق حبوب ومقصر بالصلاه وينام بالساعات من اثر الحبوب فهي قررت الانفصال منه بحجة انا عندي بنت واحده فقط ، فليش يغثني بمزيد من الاطفال وهو انسان فاسد ، قلت اطلبي الطلاق منه ، وعندي لك حلول ، فقررت الطلاق منه وقال لو تنط السماء ماطلقتها ، فقلت اقطعي جميع الاتصالات منه والحين روحي لاهلك لاني راح اخليه يتعالج غصب عن خشمه او اذا رفض ايضاً عندي له حل ، فأستدعيناه بالمنزل ، قلت يافلان ، زوجتك ماتبغاك ابد وتبكي واحنا نشوف بان بينكم يمكن سحر او حسد او عين ، قال هي تتهمني باني حق بلاوي ، فقلت اعطها طلقه واحده ويمكن يااخي ينفك منها العين ، قال والله ياخال زوجتي لها فتره تطلب الطلاق وانا احس انها مريضه ، قلت طيب اعطها طلقه واحده وان شاء الله بتطيب من هذا العين او الحسد ، فطلقها طلقه واحده ، قلت الحين روح ، وبنشوف مع الايام الجايه كيف وضعها ، فجلست مطلقه 4 شهور والرجل متواصل معي ، قلت ياحبيبي انت تسمع ولا لا ، اولاً تلتزم شهرياً تحول 500 مصروف بنتك وان ماحولت لاخليها تشتكيك بالمحكمه ونطلب منك 1000 النفقه فان كان عندك كرامه حول ال500 بدون تاخير او زي ماقلت لك البنت بتشتكيك ، ثانياً/ انت رجل فاسد وحق حشيش وحبوب ولاانت كفو تكون زوج لها وانت خربان / والبنت وديناها عند الشيخ وقال البنت مافيها لاعين ولاحسد ولاسحر ، ولكن ياولد اختي البنت ماتبغاك لانك حق بلاوي ويا انت رجال تروح معي مستشفى الامل وتتعالج حتى ناخذ التقرير المفصل بانك خلاص اصبحت خالي من السموم فهذا وجهي لارجعها لك ، او يتضح في التقرير بانك لازلت خربان فهذا وجهي ماترجع لك ، وانا اوعدك لاخليها ترجعلك ولكن بشرط ان اتضح فيما بعد بانك رجعت للخراب فتأكد بانك بتطلقها غصب عن خشومك ، قال ورب القران توبه ياخال معاد ارجع ، وبالفعل اخذته للمستشفى لأكثر من جلسه والولد تحسن بنسبة 95 في الميه واصبح يصلي ، قلت شوف انا برجعها لك ، وان اكتشفت بانك عدت لها هالبلاوي بنخليك تطلق زوجتك ولو بالخلع غصب عنك من المحكمه ، ملاحظه/بعد الطلاق واثناء فترة علاجه جميع الاتصالات محضوره عليه وسوت له حضر بالواتس واصبح يجي يسلم على بنته عن طريق اختي وطليقته قلت لاتخربين خطتي وانا اعرف كيف اخليه يتأدب وهذا ولد اختي وانا خاله وانتي انا خالك واحنا نسعى للحلول ونجمع الناس بالخير وليس بالفراق ولكن مثل هالامور لازم تحكم فيها بالعدل . والمهم طلع التقرير بعد يمكن 4 شهور اثناء فتره علاجه وقال الدكتور بانه لم يصل لمرحلة الادمان ولكن هو على وشك الادمان ، فالحمدلله اعتدل الولد وتحسنت صحته ورجعنا له طليقته والحين هم مبسوطين وعدد مرات تخبرني بنت اختي بانه وضعه ممتاز ، واخر ماهو قبل اسبوع تعشيت عند بنت اختي وامها وهي اختي ويثنون عليه بالخير
فأنتي سوي زي ماسويت ، ياانه يتأدب ويتعالج ويتاكد ابوك واخوانك من المستشفى بانه بالفعل جالس يتعالج ، فان تعافى من الخراب فارجعي له وان لازال مدمن فالله يعوضك باحسن منه ، المهم انه لازم يتأدب عندما تتطلقين منه ، وتذكري بان اذا تطلقتي منه فاقطعي جميع الاتصالات بينك وبينه وسوي له حضر بالواتس ، فان يبغى يزور بنته فيكون عن طريق اهلك فقط ، لازم يتأدب ، واحب افيدك بشي مهم ، ان تعدى اكثر من 6 شهور وهو ماتعالج ، فروحي المحكمه واشتكيه بأن تطلبي طلبين وهي نفقه وحضانه ، فاطلبي النفقه 1000 ريال و500 تكون للعيدين 500 تكون لعيد الفطر و500 تكون لعيد الضحيه ، والطلب الثاني اطلبي صك حضانه لك انتي ، والله يسهل الامور
والله يصلح احوالكم