منتدى عالم الأسرة والمجتمع - عرض مشاركة واحدة - عاشقات حلم الامومة (مايو 2008 - ديسمبر 2008)
عرض مشاركة واحدة
قديم 07-06-2008, 06:14 PM
  #441
kokar_2001
قلب المنتدى النابض
 الصورة الرمزية kokar_2001
تاريخ التسجيل: Jun 2004
المشاركات: 1,872
kokar_2001 غير متصل  
مساء الخير يا بنات يا رب تكونو كككككككككلم بخير و عال العال

منى حبيبتى الف سلامة على الوالد يا رب تتحسن صحته و انا اعرف ناس كتير مركبين جهاز تنظيم ضربات القلب دا و الحمد لله عايشين مثل الطبيعى و احسن ربنا يعفو عنه و يكون فى ميزان حسناته
و ان شاء الله حتسعدى قلبه بخبر حملك الشهر دا يااااااااااااااا رب

ديدو حبيبتى طمنينى عليكى مفروض ميعاد الدورة امتى؟( يا رب ما تيجى) ان شاء الله نباركلك يااااااااااااااا رب


زهورة حبيبتى ربنا يخليكى يااااااااااااا رب على المعلومات القيمة اللى انتى قلتيها بس برضو لسه عندى كذا سؤال

ايه درجة الاجنة دى تقريبا انتى قلتى كدة انا مش فاكرة المصطلح بالظبط اللى انتى قلتيه لأنى سمعت حاجة شبه كدة برضو قبل كدة و مفهمتهاش هو فى درجة جودة للاجنة؟
و حاجة تانية كانو جايبين فى التليفزيون الاسبوع اللى فات دكتور رئيس قسم اطفال الانابيب فى جامعة عين شمس و قال كلام عجيب جدا

قال يا ست البنات انه لا ينصح تماما بالنوم على الظهر الفترة بعد ترجيع الاجنة عشان دا غلط على العملية و بيأثر بالسلب لان الست بتكون طول الوقت بتفكر فى الموضوع فبيأثر على نفسيتها و بيأثر على العملية بالتبعية
و قال ان العلم بيأكد ان الاجنة بتثبت فى جدار الرحم بعد الترجيع بمدة تلت ساعة بس و اللى بيثبت و بيكمل بيكون ثبت فى الفترة دى و اللى كش بيثبت بيكون نزل فى خلال التلت ساعة
و قال انه عاوز الست تتحرك عادى و حتى تروح شغلها
و انا بسمع من البنات انه اللى كررت كذا مرة مثبتش الا لما نامت على ظهرها تماما

بجد بقيت محتارة جدا

و انا ان شاء الله ناوية انى انزل بعد العيد مصر عشان اعملها هناك بأذن الله و فعلا فكرة ممتازة انى انزل على الميعاد على طول
بس انا مش عاوزة اعرف اى حد من اهلى ولا اصحابى انى حعمل الحقن خالص فمع الاسف لازم انزل قبلها بشوية عشان اخلص من الزيارات اللى بتكون فى الاول و بعدين على بال ما يعتادو على وجودى اعملها و اقعد فى بيتى الفترة اللى بعد الترجيع

بس فعلا كلام الدكتور لخبطنى مبقتش عارفة اتحرك ولا متحركش!!!!!

و فى سؤال كمان على موضوع الاجنة المجمدة ه بيرجعوهم امتى؟
يعنى بيدو ادوية عشان ميحصلش تبويض فى الشهر دا؟
ولا بيعملو ايه؟


معلش انا اسفة على الاطالة عليكى بس عارفة انا عاوزة اعرف كل حاجة عشان ابقى داخلة على الموضوع و انا متطمنة
ربنا يطمن قلبك يااااااااااااا رب




باقى البنات بحبكم جميعافى الله و و الله بدعيلكم جميعا فى كل صلاة عسى الله يتقبل




رب لا تذرنا فردا و انت خير الوارثين
__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة