رد : طردني من البيت [ مستجدات الرد 41 ]
اشكر من تابع موضوعي الله يعافيكم ويجزاكم كل خير
بتكلم عن الايام اللي غبت فيها وايش حصل لي
طبعاً من يوم ماخبرتني امي ان الرجال بايع وزي كذا ومتسرع وشفت ان ابوي يهدي الرجال
قررت اتصل على زوجي
ومنها سلمت عليه وطيحت كل اللي براسي عليه لكن قلبي رفض يسامح ابد
تعذرت منه مع انه هو طردني واهان كرامتي وكسر ظهري في وقت كنت بأمس الحاجة له
وطول المكالمة هو يتكلم وانا ساكتة حط فيني الف غلطة وتحملت فكرت بحياتي وفكرت في الجنين اللي في بطني
وهو يكلمني قالي ان طليقته الثانية ترسله وتكلمه يرجعها
وقالي ان رد عليها وقال انا رجال تعبان نفسياً من هموم الحياة وفي طفل جاي في الطريق اتركوني لحالي
وتكلم في اشياء كثير وانا ساكته وفي قلبي ادعي واقول اللهم اني مظلوم فاانتصر وايقنت الاجابة
ماجاب طاري انه يرجعني و اي شي وانا مااستعديت نفسيا ارجع له
سكرنا
واتصل على ابوي بعدها بعد صلاة الجمعة
ومن ضمن اللي قاله لاابوي اني برجعها بس بشرط ترا برجع طليقتي الثانية انا رجال بعف نفسي عن الحرام واسالها
عن الموضوع ومن هالكلام
!
جت امي في الليل تكلمني وامي عارفتني شخصيا تعرف رايي في التعدد واني مااهتم
فقلت لها براحته كيفه مااقدر امنعه
خذت امي مني هالرأي وردوا عليه
بس جلست افضفض لاامي وعلمتها وش قال لي في المكالمة وان الرجال مو طبيعي يقولي كلمة في الجوال ومع ابوي كلمة
بلعتها وسكتت وجلست ابكي ع الظلم مو انه تزوج لا بالعكس مااهتميت
ابكي لانه طردني وقال لاابوي هي منحاشه من البيت
ابكي لانه مااهتم بالروح اللي ببطني بقي شهر واولد
ابكي ع حالي ووضعي وابكي ع امي اللي شايله همي وتبكي معي
ودعيت الله وقلت اللهم اني مظلوم فاانتصر
مرت الايام وجت امي لي وقالت لي ان الرجال اتصل وقال تراني مرجع مرتي وترا معهلمها اني انا الاولى والحشمة لي
ومن هالكلام وقال لاابوي خلها تطلب اللي تبي!
قلت لاامي ماابي اي شي ابي بيت لبنتي شخصياً ماابي شي
ع اساس ابوي بيقول له هالكلام
جتني امي وقالت لي ان ابوك قاله لاتعطيها شي خلها تأدب!
انقهرت من ابوي وتوكلت ع الله فهو حسبي
وفكرت كيف اقلق وكيف انام خايفه وكيف اخاف ع جنيني! والله يراقبني بكل لحظة!
توكلت على الله المعين القادر الرزاق وحده وسالته ان ينصرني على من ظلمني سواء زوجي ولااابوي
والحمدلله هذا اغلب اللي حصل واسال الله ان يصلح حال المسلمين
اسفه اذا طولت بس فضفضة بداخلي بطلعها لااخوتي هنا