منتدى عالم الأسرة والمجتمع - عرض مشاركة واحدة - مطلوب خلطة مميزة للشطه الحاره وطحينة الساندوت
عرض مشاركة واحدة
قديم 01-08-2016, 09:19 AM
  #2
Neat Man
كبار شخصيات المنتدى
 الصورة الرمزية Neat Man
تاريخ التسجيل: May 2011
المشاركات: 4,685
Neat Man غير متصل  
رد: مطلوب خلطة مميزة للشطه الحاره وطحينة السا

اقتباس:
المشاركة الأصلية كتبت بواسطة آلرآسي مشاهدة المشاركة
السلام عليكم ورحمة الله وبركاته
صباح الخير للجميع <<<< الموضوع كتب الصباح 😅
رحت للمطبخ المنتدى وتم طردي ليش ياجماعه قالوا انت ممنوع ببسب أنك من فصيلة الذكور 😢😢 وجيت هون مالقيت إلا مطبخ العزابيه مدري ويش يقصدون عزابيه ذكور وإلا جامعين الأناث معهم ..😕😕
ماعلينا ندخل في الموضوع على طول
الحين جايكم وأبي خلطة مميزه للشطة والطحينه كل وحده لحالها طبعا .،
فتحت لي مشروع كافتيريا وحاب أستخدم شئ مميز فقلت بدال ما أفرفر وأزعج العم قوقل انتم أولى بالأزعاج بما أني أخ لكم ومبطي بينكم وأكيد ماراح تقصرون مع وخيكم الطيب ..
اكيد عارفين وش أقصد أي الشطه اللي نحطها على الساندوتش والطحينه الخاصه بالطعميه(الفلافل)

أحتريكم 🌷🌷
اهلا وسهلا فيك حبيبي الراسي

شفت شلون!!؟ دايم الرجل مهضوم حقهم، ودايم الحريم متسلطات علينا، لايخلونا نطلع ولا نشم هوا ولا يودوننا للسوق، وكل شي لهم حلال، أما حنا يالرجال لا عيب حرام وش يقولون الناس عنا، الله بس ياجرنا على صبرنا عليهم، ماعاد فيه حريم هالوقت، الحريم زمان أول، اللحين فيه بس أناث

الزبدة، بقولك حاجة أخوي الراسي، مسألة الشطة خلها على علي، رغم أني أذكرعملتها مرة، لكن أقولك أي شي أسوي ينجح ، وبسويها لك إذا أنت بالرياض، بس لاتنسى الحساب، والحساب قبل كل حاجة، مو هم يقولون احنا في زمن المادة!؟ وراح أعطيك فوقه هدية بحكم أنك من جنس الرجال المضطهدين والمظلومين، هي عبارة عن صلصة ثوم بتخليك تنسى الدنيا كلها، قلت أيه يابني؟

وإذا ما اعجبتك شطتي نرجع نصف الحساب، وقبل مدة قريبة كنت في برشلونة، وفيه سوق تقليدي وشعبي قديم عندهم في شارع لارمبلا، اسمه بوكرية، عنده شطنة تخلي اللي فيه جني يطلع من حرارتها، جبتها لأمي لأنها تعشق الشطة الحارة بشكل جنوني حتى شكيت أنه فيها عرق هندي من كثر أنها ماتستغني عنها

وذكرتني بموقف حلو، لما كنا أطفال مادري وش اللي مسكت أحنا وأصدقائي بالحارة أنه نتغدى كل يوم عند واحد، وعددنا ذيك الفترة يمكن 12، المهم أن الواحد صار مايتغدى عند أهله أبد كل يوم ببيت ههههه ، واحد من الاصدقاء مجرم شطة، مرة عزمنا واحد ولاصار عندهم بالبيت شطة، الولد المسكين قال وين الشطة، قال خويي ماعندنا، قال أجل خلاص ماراح اتغدى وطلع من بيتهم زعلان ولا تغدى
الولد هذا شفته مرة من المرات قلت له تذكر سالفة الشطة يوم تزعل وتطلع ولا تغديت، قعد يضحك، قال تصدق ذيك الايام كنت لارحت للزواجات أخذها معي بمخباتي، وقدام العالم الشطة أول المتقدمين لاقلطوا العشاء.

بمناسبة الشطة والكافتيريا، تصدق كنت بمربيا لما رحت اسبانيا، وكان فيه مطعم يشتغلون فيه أخوة مغاربة، وكان عندهم شورما جداً لذيذة رغم أني مو من هواة الشاورما، الزبدة عندهم شطة أعتقد أنها هي أحد أسباب أدماني لمطعهم، صرت يوم ورى يوم عندهم، حتى صرنا اصدقاء، شطة خورافية للغاية، والله يقويك بمشروعك، ومشاريع الاكل ناجحة عندنا وعند غيرنا، أهم شي النظافة والجودة والعالم بتطب عليك وأولهم أنا.

عموما فكر بالعرض وابشر بعزك
__________________
ياصبحِ لاتِقبل !!
عط الليل من وقتك..

التعديل الأخير تم بواسطة Neat Man ; 01-08-2016 الساعة 09:23 AM