السلام عليكم

اكتشفت ان كثرة استشارة الناس ( العاديين ) يعني ما اقصد الحكماء او اصحاب الاختصاص

المهم ان مشاورتهم لها نتائج عكسيه قد تؤثر عليك باتخاذ قرارك

بعطيكم مثال بسيط وانتم قيسوه على راحتكم

لما تقرر تشتري سياره معينه تسمع اراء مختلفه وكل واحد يحاول يمشيك على تصوره وان ما سمعت كلامه فانت الخسران
وتضيع وقتك بالمشاورات عالفاضي وانت اعلم بالسياره اللي تناسبك
بهذي الحاله انت اللي راح تخسر

وفعلاً داروا اموركم بالكتمان

لان البعض قد يكون سفيه او حاقد عليك او يغار منك او يظن عندك فلوس ويبي يدبسك
وحتى اللي نيتهم زينه ما ينفعونك
الاهم الحكماء واصحاب الاختصاص والخبره والمجربين

لاني لاحظت لما بدأت اشاور في اموري الخاصه تحولت الى متردد ! وتعبت جداً من التفكير مع اني لم اكن كذلك
واكرر داروا اموركم بالكتمان لان بالكتمان تمشي امورك وتقرر وتخلص ان طلعت صح وصلت للي تبي وان اخطأت منت ميت لان الموضوع بسيط وليس قرار مصيري
والحياه قصيره لا تضيعها بمشاورة ناس حتى لو طيبين ويحبونك راح يؤخرونك باتخاذ قراراتك