المشاركة الأصلية كتبت بواسطة نادم على اغلاطي

بنسبه للاخوان الي يقولو مارح ينجح الزواج لا راح ينجح باذن الله واتمنا ماتقولو كلام ينشب في مخ الرجال ترى هالكلام اثره مارح يبان الا بعد الزواج وقتها بيبدى يتذكر هالكلام ويبدى يوسوس بطلاق اما الحين الحب مقفل مخه
و اقول انه بينجح لاني اشوف ..........من الي متزوجين خليجيين وجايبين منهم عيال وحياتهم مستمره وحلوه وعائلتي فيها نماذج


هاذا رد للاخوان والحين جى دورك
اخوي قبل ماتتزوجها فيه نقاط لازم تنتبه لها

1- اغلب حلات الطلاق بين الخليجي وغير الخليجيه يكون سببه الرجل وسوء اخلاقه
وبنقول انك تحبها وبتتحملها على الحلوه والمره وبتكون معاها عسل
2- ثاني سبب اختلاف العادات والتقاليد بس هالشي مارح يئثر الا اذا كانت شخصيه البنت قويه .. وهنا لازم تنتبه لشخصيه البنت اذا قويه وتمشي كلمتها احيانا عليك وهالشي مو غريب بحكم بيئتها فانا اقول لك ان زواجك صعب يستمر والسبب انها بطبق عاداتها وتقاليدها الي بعضها نعتبرها خط احمر بعدين لاتزوجتو وصار عندكم عيال وبرضو فيه عادات وتقاليد مارح تقدر هي تتركها فانت لازم تكون مرن شوي
3- افتراق البنت فجئه عن اهلها وكل الي تعرفهم بعد الزواج وانتقالها لعندك بيتعبها حيل وممكن يسبب لها حالت كئابه وتوتر وممكن تكرهك في اول سنه او سنتين وهالشي عانو منه اقاربي في بدايه زواجهم فانت لازم تكون موفر لها بيئه تحتويها وتعوضها شوي عن الي فقدته مثلا اهل متعاطفين (اقصد اهلك) او شقه في عماره كل جيران من جنسيات عربيه غير خليجيه او اقل شي تعرفها على زوجات اخوياك وتصير كل ماطلعت عند اخوياك تاخذها معك تغير جو ويفضل توفر كل هالثلاث اشياء مع بعض
وجهز نفسك تتحمل بكائها وشوقها لاهلها وكئابتها ولاتستهين بهالشي ابد وتستهزي فيها ترى الغربه صعبه وقول لها دائما انك جمبها ومعاها
4- اولادك مارح يعرفو عاداتك وتقاليدك بسهولها فلازم تحط في بالك هالشي مو اذا شفتهم مو فاهمين شي تسبها او تشيل في نفسك عليها هاذا اختيارك انت ازعل من نفسك لو بتزعل بنسبه للحل فهو سهل تخلي عيالك يلعبو مع عيال اخوانك واجد ويخالطو القبيله ويروحو عند جدتهم الي هي امك واجد

زي ما انت شايف هالموضوع يترتب عليه مسوليه كبيره
اذا انت مو شايف انك تقدر توفر للبنت البيئه المناسبه لها وللاولاد او ماعندك صبر تتحمل تعبها اول كم سنه وتكون جمبها اغلب الوقت او ماعندك استعاداد تتخلى عن بعض عاداتك وتقاليدك ف لاتظلم نفسك ولا البنت معك

واذا كنت شايف في البنت عناد وقوه شخصيه فاننتبه تغلط وتتزوحها لان مهما حاولتو تنسجمو مارح تقدرو ونهايتكم بتكون طلاق ولو بعد 20 سنه واقول هالكلام من شي شفته في اقاربي

واخر شي لاتاخذ البنت الا وانت متاكد زيين انها مستعدها تترك اهلها وتعيش معك .