المشاركة الأصلية كتبت بواسطة معلمة مختلفـ❤ــة

انا مستعده للهجره لامريكا او المغرب ولقيت معلمه راح تتقاعد غير متزوجه ومالها احد مستعده تروح معي ونتعاون على المصاريف بس تخيلي اهلي لس يشوفوني (طفله ) !!!!
مالؤم نفسي لو في يوم احس ثقتي ف نفسي زيروو ! ليش ماقدر اروح من غيرهم . انا بعمر نضوج والمفروض بهل العمر اقدر اتحمل المسؤليه لوحدي وهما للاسف كل شوي يتخبطوا معي ( الله يهديهم بس ) مرات يقولوا خلاص بنروح معاك ومرات يقولوا لي روحي لحالك بس بشرط انك ماترجعي نهائيا !! لااله الاالله ليش يتخلوا عني لمجرد اني ابغى اعيش برا !! استغفر الله يعني راح اشرب كاس ولا اجالس ولد .. انا اعقل منهم للامانه هههه . فقررت اني اصرف الموضوع شويه واتدرج معهم بطلب يعني اقول لهم ابغى اخذ دورات في امريكا او بريطانيا او اقلهم فيه دورات لغه فرنسيه ممتازة في المغرب وهي ارخص من فرنسا فاحبه اخذها ومنها سياحه وبعدين ادرس الوضع هناك بنفسي ولكل حادثا حديث . فانا انصحك نصيحه --- كل واحد فينا هو حاله خاصه وظروفنا مو سوا ,شوفي فين سعادتك واسعي لها الزواج هذا ممكن يجيك بدون ماتسعين له لانه امر قدري ,و انا اعرف وحده كانت ساكنه بسفح جبل ماعندهم كائنات حيه حولهم ---لاتخرج ولاتروح تزوجت دكتور لي فحص ابوها ومستقره معه ماشاء الله .---. ولو جاني من بلدي راح اتفحصه يا ما يكون ضحيه ووسيله او فعلا يكون نصيب الطيب .انت ماكفرت ولا اذنبتي لانك تبغي تعيشي زي ماتبغي ! وبالنسبه لكلام حلم انو نشوف ظروف غيرنا ومن هذا الكلام صح الواحد يشوف ظروف غيره ويحمدالله ولكن لو عندي كل حاجه ولله الحمد ليش ماسعى وراء سعادتي مادمت ماغضب ربنا ولااذي احد .فطبيعه البشر يبحثوا عن ماينقصهم هذا شيء بالفطره .