عزيزتي اسال الله ان يبدل حالك الى افضل حل
ما دام عمك بدو يبيع البيت
فدوروا على بيت من طابقين ويكون نفس عدد غرف النوم يعني بكل طابق تلاتة غرف نوم
لانو برأيي صعب كتير يعيش الزوجان مع اهل الزوج او الزوجة اذا ما كان في شي مستقل وخصوصية
ان كان باللبس او بالتصرفات وخاصة انها عشرة عمر مش يوم ويومين
واكتر شي بيزعج عند الخلافات يعني كل زوج او زوجة معرضين للضغوطات وانهم ينفعلوا ويغلطوا وهيك بيصيروا مسرح للصغير والكبير
وبيصير في تدخلات
وبتفرق كتير بين زوجين صغار بالعمر وبين انهم صرلهن عشرين سنة مزوجين وجابوا اهلهم يسكنوا معهم لرعايتهم والاهتمام فيهن لانهم كبروا بالعمر

ما بعرف كل واحد وحسب تفكيره
انا عن نفسي مستحيل اقبل عيش مع ابني اذا ربنا كتبلنا عمر وكبروا واتزوجوا بختنق ما بحس بالراحة ابدا
وكل شخص الو ظروفه
بس بظرفك حسب ما عم تحكي اهل زوجك بيشتغلوا وعندهن حياتهم وما المشكلة ببيت منفصل بس المشكلة كان بصغر البيت بالطابق الاول و انو اخو زوجك يسكن معكن
فالحل بيت نفس مواصفات الاول بس بزيادة غرفة بشقة اهل زوجك

دعواتي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه