صبااح الانوااااار
ابشركم الحمدلله اخيرااااا اتقنت الجريش
بعد عدة محاولات فاشلة ويئست منه .. لكني احبه
وحاولت لين ضبط معي الحمدلله و صرت اسوي وانا مغمضة
ماني هينة و قسم
بس عندي مشكلة يا صحباتي
جريشي مو ابيض ناصع البياض ليه ..!
جايني بيج كذا على لون مايل للصفار بالرغم من اني اسويه بحليب
مير هو مصفر لو اسويه بلبن ولا حليب ولا زبادي
تتوقعون راجع لنفس حبة الجريش ..؟
اللي تسوي الجريش ابغى تقولي لي من وين تشتريه غير من بنده
لاني اشتريه من الدانوب اللي يجيك كيس صغير بثلاث ريال
ابغى اشتريه بالوزن من وين .. من العطار ولا من الطاحون
وهل له انواع و ايش افضل نوع , لاني ما اعرف غير هذا اللي في الدانوب