صح محد كامل وكلنا نخطىء وحكايه المواجهه صعبه لسبب بسيط جدا الا وهو امي اذا قولتلها اللي في نفسي وانفجرت هاتبرر موقفها وانها عملت الصح عشان خالتي وهاطلع زوج خالتي اللي غلطان اما هى ابدا ابدا ابدا تعترف انها غلطانه لسبب بسيط جدا هى مهي شايفه نفسها غلطانه من الاساس بالعكس!!!! اتصرفت بحكمه!!!! الكلام هذا قديم وانا كنت شايفه انها فعلا عندها حق تسوي كده لاني اتعودت على كده !!! اذا احد هزأنا قدامها تقعد تتفرج وكانو يعملو الف حساب لبقيه اطفال العيله انا واخويا كنا ملطشه هذا غير الاهمال الرهيب وتقول التربيه مهي صعبه !!!! طبعا مهي صعبه مدام مافي متابعه ورعايه واهتمام في اشياء لما اتذكرها اقول يالله كيف كان وضعي كده !!!! طيب ايش اللي خلاني بعد السنين هذه كلها اتاثر بالموقف رغم وقتها ما دققت !!! ببساطه بناتي شفتي لو احد لمس شعره منهم لا سمح الله اقتله !!! كله توفيق من الله بس حريصه عليهم حرص حتى افتكر مره وحده من خالاتي علقت تقول لما كنتي صغيره عمري ما اتخيلت بسبب طفولتك انك هاتصري ام ممتازه
انا احبها وما انكر فضلها عليا رغم الاهمال والقسوه وشكوتها الدائمه مننا لاخواتها وتهزيئهم لنا وغير المن انه احمدو ربكم امكم اخدتكم وابوكم ما طالع في وجهكم لكن نعمه الام ما تتعوض وهى دحين كبرت ومرضت وانا ما احب ازعلها ولا اقولها كلمه سيئه ولا هاعاتبها خليها تحس نفسها احس ام في الدنيا وربي الحمدلله معوضني

__________________
ن محاولة فهم الاخرين تحتاج لطيبة قلب، أما محاولة جعل الاخرين يفهموننا،فتحتاج لشجاعة، وتكمن الكفاءة في إحداث التوازن بين الأمرين.