أختي الغالية .. ترى هاي المشاكل انتي تشوفينها وايد كبيرة لأنج جديدة في الزواج.. ترى الصدمات والقهر والغضب والعصبية كثيرة في بداياته.. بقولج بعض الأشياء اللي انا جربتها في بعض من هاي المشاكل:
بالنسبة للصلاة: أولا انتي حافظي على صلاتج أكثر من اللازم واذا أذن وماقام للصلاة احضنيه من وراه وهو جالس أمام التلفاز وقوليله حبيبي مابتسير تصلي؟واذا ماقام قولي الله يهديك وروحي عنه ولاتحنين.. وبعد صلي القيام في الحجرة بس من دون ما تضيئين الأنوار لاتزعجينه بس خله يحس فيج لأن الرجل كل ما شاف زوجته متدينه أكثر مال أكثر لدينه وبعد أدعيله بالهداية.
بالنسبة للأفلام الخليعة: اذا شفتيه جالس سيري البسي شي مغري وتعاليله لاتشوفين انتي التلفاز وكوني أمامه قوليله هم مب أحسن عني انا بسويلك كل اللي تباه، هاي أول مرة ثاني مرة قوليله حبيبي بسويلك اللي تتمناه بس لاتشاهدهم أنا أغار. أدري انه هالشي صعب في البداية لكن لازم تسوينه عشانج وعشانه، بعدين لازم تتعلمين الحركات اللي يحبها زوجك اسأليه هو شو يحب.
بالنسبة لمزاجه: أرضي بالأمر الواقع لأنه أختي زوجها مزاجي بعد بس تعودت عليه.. وشوي شوي بتتعودين
ولاتكبرين الأمور وايد
والله يهديكم لبعض..