المشاركة الأصلية كتبت بواسطة غـادة..

ذكرتني ببداية زواجي بالضبط كنت نفس زوجتك وبعمرها
وزوجي مثلك بالضبط

هو يشوف تصرفاتي استفزاز .. وكم مرة نتمشكل ع هالشيء !
انا كانت هذي طبيعتي ! ابدا ما احاول استفزه بس مدري كيف فهمها اني اعانده

طبعا اول سنتين كنت مفكرة بالانفصال بصراحة .. وانام كثير عند اهلي وماحب اروح له ..

شوي شوي هو خفف من التدقيق الزايد ومشت حياتني طبيعية

واحسك انت مثل زوجي مشكلتك بالتدقييييق كانك خايف ان زوجتك تستغلك او تستغفلك او تكون كلمتها هي المسموعة وانت خاضع لها وتطيعها بكل شيء ويعايرونك ربعك واهلك 😄

حاول تعيش بعفوية .. واذا قالت لك بروح لاهلي مو باليوم المخصص ! اشتاقت لاهلها وبتروح لهم !

والدجاج يوووه 90٪‏ من مشاكلنا بالطبخ تعبت تعبت تعبت من زوجي يدخل يعطيني ملاحظات و ( ياويلي ) لو خالفتها
هو يشوف اني اكسر كلمته لو خالفت طريقته بطبخ القهوة مثلاً
بينما انا اشوفها اني انا اعرف اسويها وابغى اسويها مثل ما امي علمتني !

مو عناد ولا شيء بس لا تحاول طمس شخصيتي تماما ..


الله يوفقك