مساء الخير

جزاكم الله خير اخي ابو مريم واختي سحابه من وقار على دعواتكم ونصائحكم

صحيح زوجي كان طيب وحنون وتغيره بسبب الحاله الماديه وفصله من عمله بس انا كنت معه لست ضده ووقفت بجانبه وكنت اواسيه واهون عليه وان المال مايهمني ولما قرر اننا نخرج من المنزل عشان الايجار وننقل سكننا عند اهله مارفضت ووافقته بس كنت متوقعه ان اهله طيبين " كنت ماعرف اهله غير بالتواصل الاجتماعي لانهم بمدينه بعيده عن مدينتنا واذا زرناهم مايطول زيارتنا اكثر من شهر ومابان معي معدنهم الحقيقي الا عندما نقلنا السكن عندهم "

اول وثاني شهر كانوا طيبين معي واكتشفت بعدها ان الطيبه اللي يظهروه لي كلها نفاق يبتسموا بوجهي وبخلفي يغتابوني ويمكن انهم ماقدروا يتحملوا نفاقهم لي صاروا يظهروا وجههم الحقيقي

وموضوع بنتي هي صارت تخاف منه بسبب عصبيته ماصارت تجلس معه وتلعب اول ماتشوفه تغير مكانها وماتجلس معه بنفس المكان حتى كل مره تقول لي ياماما ليه بابا صار كذا ليه يصرخ ويضربنا هو ماكان كذا اقولها انه تعبان واحاول اني ازين صورة ابوها واعدلها


قبل يومين كنا بالمطبخ انا واخت زوجي وكانت تحاول تستفزني بموضوع السفر تقول ان بتسافر بالعيد هي واخوها اللي هو زوجي ببلد كذا " البلد هذا سمعته سيئه ومو اول مره تقولها لي كل مره تفتح هالموضوع وانا ارد عليها وتصير مشكله كبيره "
هذي المره مارديت عليها بس عطيتها نظره ورجعت لشغلي وهي تعيد كلامها كاننها تقول اسمعي ردي علي
تحاول تفتعل مشكله وانا تركت لها المطبخ ورحت لغرفتي وماهي الا دقايق الا اشوف باب غرفتي تنفتح بقوه وزوجي داخل معصب ومد يده علي وسحبني من شعري ويقول اني ماحترم اهله وليه اراددهم واللي مايحترم اهله مايحترمه وانا ظليت ساكته وقلبي يحرق وانا اشوفها واقفه عند الباب تتشمت فيني حسبي الله عليها

بالاخير حاولت ابعد ايده عن شعري وقلت له ربي العالم انا وش سويت وايش قلت وهو طلع من الغرفه وفي الليل تكلمت معه وكانه ماصار شي لاني من قبل كنت ازعل منه وما اكلمه وتصير مشكله ثانيه

كلمته عادي وسولفت معه وجلست اذكره بأيامنا زمان قبل لا ننتقل وان كيف كانت حياتنا حلوه ومافيها مشاكل حتى لو فيها كانت عاديه مثل كل بيت وان ماعمره مد يده .. طبعا اول مره اسولف معه كذا من يوم ماصار عصبي لاني كنت اتجنبه ... وقمت اعطيه الفلوس حقي قلت له اني ماني مهتمه بس مانبغى نعيش على حساب اهلك ابغاك تشتغل ونسكن بعيد عن المشاكل ... قاال المشاكل انتي سببها خلي اهلي بحالهم واحنا بنرتاح ..
قلت له ابشر بس اوعدني انك تشوف لك شغل ونشوف لنا بيت قال لي انتي ادعي وربي بيفرجها

واليوم وقت الفطور قد ايش فرحت لما قال لي ادعي ان ربي يغير حالنا لاحسن حال يعني كلامي لسى ببااله يارب لك الحمد
بس اللي يزعلني ان يظن اني انا اللي اسوي مشاكل لاهله وان انا اللي ابدا