لسلام عليكم ورحمة الله دكتور ..

انا فتاة عمري 26 سنة عايشة بالخليج وخطيبي بالاردن . كانت بتجمعنا علاقه حب من 12 سنة من ايام الدراسة الاعدادية واتقدم لخطبتي بعد العمل بسنتين مع صعوبة وضعه المادي وهو من البداية قبل الخطبة طلب مني عدم العمل والقيادة مع العلم اني خريجة جامعيه وعندي سيارة ورافض العمل والمشاركة بينا من حيث الراتب ، لكن بسبب حبي الو ما حبيت يكون في عائق الان ظل عالزواج شهر وانا في حيرة من شهرين باتمامه ام لا .. كتير ناس عارضوني بالاختيار وخاصه اني حبعد عن اهلي وهو غير متقبل لسفري لهم سنويا لانو الاهل الهم زيارة للاردن كل سنة بالاجازة الصيفيه وخبرني فقط السفر للضرورة فقط وليس سنويا . وعاودت طرح فكرة العمل ورفض حتى عن طريق الوالد ما اتقبل كوسيط . الان انا في صراع بين القلب والعقل وعندي يومين اقرر بس هو بانتظار قراري حتى يخبر اهله . هو عنده التزامات والمادية ما بتساعد يلبي احتياجاتي متل ما انا عايشة عند اهلي وفوق هاد مافي مولات ولا اماكن ترفيه بالمنطقه ورح عيش فوق اهله الي هي خالتي . موجود بعض الاقارب بالمنطقه لكن ماحدا قلبه عالثاني . الحياة رسمية عندهم . هو ما عنده مشكلة كل فترة يطلعني مكان بس مو براحتي لانو ما عنده سيارة وبدو كم سنة ليشتري لانه عنده قرض الشقة الي بناها وانا مو عارفة وين مصلحتي وكيف اقرر واتحمل قراري بدون رجعه وبشهد الله انو حبي له مافي نزاع بحيث كنا نتواصل ع طول وبنينا احلام مع بعض لكن عم حس بالخوف والقلق اني ادفع ثمن حبي بعدين او احكي يا ريت بقيت عند اهلي واشتغل ومستقلة بحال هالمخاوف ع طول عندي .