الى اخواني الي ماولدتهم امي السلام عليكم ورحمة الله وبركاته مدري كيف ابدا موضوعي لانه متشعب شوي وانا طارحه موضوعي هذا ابغى منكم المشورة لاني خلاص ضاقت بي السبل انا وزوجي مختلفين بالاطباع فزوجي ببببببببببببببببببببببببببببببارد جدا ومشكلتي صارت قبل اسبوع بعد مامليت من ابتعاد زوجي عني ومن الروتين اليومي اكل نوم انترنت قلت لازم اغير عشان ننتعش شوي ويتغير علينا الروتين وبالفعل بعد ماطلع زوجي للدوام بدات بشن حملة على غرفتي لان ماعندي غيرها فانا اسكن مع اهل زوجي المهم بدات من الساعة سبع ونص صباحا وحتى الساعة الثانية ونصف ظهرا ولكن بعد ماخلصت وش تشوفون الغرفه ماهي الغرفة كل شي تغير شلت السرير من مكانه على الرغم من ثقله بس قلت مايهم عشان عيون المحروس زوجي وغيرت المفارش وسويت حركه حلوة دمجت مفرشين الوانهم متناسقة مع بعض طلع عندي مفرش جديد وبخرت الغرفة وسويت لزوجي علبه من صنع ايدي لاوراقه الخاصة على اساس تكون منظمة ولاتتبعثر وسويت علبه ثانية للجرايد طبعا كل وحده احلى من الثانيةوجبت صندوق خشبي وحطيت فيه عطوراته بشكل حلو وحطيت ورد مجفف وجبت برواز صور صغير وكتبت فيه كلمة احبك وخليتها بين الورد المجفف طبعا الغرفة صارت شي ثاني يغلب عليها الطابع الرومنسي قلت بس هذي تلين الحجر بين قوسين زوجي من النوع البارد ماتاثر فيه العواصف ويوم خلصت بدات بنفسي حمام اسشوار مكياج ناعم لبس نننننننننننننناعم وجلست انتظر الحبيب المرتقب ويوم جا فعلا انبهر( بس انبهار ه وتعبيره كان ليه تعبتى نفسك هذي اشياء ثقيلة عليك) طبعا قمت اتدلع واوريه اشياء ماشافها الى هنا اوكيه ويوم جا الليل لبست لبس حلو وكنت متوقعه ليلة ولا كل الليالي طبعا الرجال مطنشني قعد عند الانترنت والتلفزيون مشغل يعني قمه الازعاج وقعدت على السرير انتظره واسولف معه وكان يرد علي وعينه مره على الجهاز ومره على التلفاز وانا بلوشي خذني النوم وانا على هذا الحال وبعد طول انتظار واخيرا جا بس يافرحه ماتمت على طول دخل فراشه وهات يا شخير نام ابو الشباب وخلاني احترق تعوذت من الشيطان وحاولت انام 0 من بكرا بالليل كان مبرد وانا احس مشتاقه انام بحضنه بس مطنشني كمان على طول جت في بالي ابيات من تاليفي وقلتله عندي لك ابيات من تاليفي قال اكتبيها عشان ماتضيع(شفتوا شلون بارد ماقال قوليها)والابيات كانت عتاب على البعد كانت ابيات رقيقة وخفيفة ظل ويوم خلصت قايلتها اكتفى بقول حلوه وسكت عاد انا انقهرت قلتله بس حلوه قل انتي تبين شي عملي يعني اناقلت مو شرط شي عملي بس علمني سبب الابتعاد قالي الرد الي قصم ظهر البعير قال في البرد الواحد يبي يدفى ويقعد لحاله يعني لاتحاولي تقربي هو ماقال لا تقربي بس المعنى كذا ونام وخلاني بعدها اناطابت نفسي منه مالي نفس عليه ماراعى شعوري ابدا ولنا الحين اسبوع على هذا الحال هو بطرف وانا بالطرف الثاني وحياتنا ماشيه عادي يتكلم ويسولف ولا كان شي صار وانا حاولت ابتعد هو استانس صار يعطيني ظهره وينام وش رايكم اطنشه واستمر بالابتعاد عنه لين يفقدني ؟ لاتقولون صارحيه لاني مليت من المصارحة ولا جابت اي فائدة تكفون لا تخذلوني ابغى مشورة نصيحة جبر خاطر انا بانتظاركم ادري اني طولت عليكم بس العذر والسموحة محبتكم