السلام عليكم .. أخواتي وأخواني الأفاضل .. بقولكم مشكلة صديقتي .. نحن طالبات وندرس فالجامعه ..
انا مخطوبة وصديقتنا الثانية متزوجه واكبر منا .. اما صديقتنا الثالثه هي صاحبة المشكلة غير مخطوبة واصغر منا..
وطبعا جامعتنا مختلطة والاختلاط فكل مكان حتى فالكفتريا.. المهم من فترة ربيعتي صارحتني انه في طالب فالجامعه
معانا يطالعها بنظرات اعجاب .. انا فالبدايه كانت ردت فعلي قويه لأنها ربيعتي وأعزها مثل أختي وأخاف عليها
طبعا نازعتها وقلتلها لا تفكري انج تحبي شخص فالجامعه معظمهم لعابين الا من رحم ربي.. وأهلها من النوع الشديد
خاصة اخوانها الشباب فلو شكو مجرد شك بيقتلونها .. المهم لما نازعتها ماعجبها ردي ولجأت لصديقتنا المتزوجه
وطبعا قالتلها نفس كلامي وبعد فترة صارت تسكت وما تطريلنا سالفة الشاب .. بس لما بدينا هالفصل قمنا نشوف حركات غريبه .. مثلا هذا الشاب يوقف سيارته ورا سيارة صديقتي كل يوم ؟شومعناها؟؟وكل يوم نصادفه فالكفتريا
وتقولي انه يطالعها بنظرات اعجاب وانه مؤدب والخ بس انا ما يدخل هالكلام فراسي عاداتنا اذا واحد معجب
فالبنت يروح يدق باب بيتهم.. المهم البنت زادت حالتها واهملت دراستها ونحن خايفين ترسب هالفصل لأن معدلها
وايد نازل واذا رسبت مصيبه.. وغير كذي انها فالحاضرات تقعد تكتبلي فالدفتر كلام حب وترسم قلوب والحبيبه
عايشه قصة حب وهميه .. نحن تعبنا من كثر ما ننصحها مافي فايده وكل ساعه تروح صوب الدريشه تشوف سيارته اذا
موجوده او لأ المهم انا مرة تصرفت تصرف مادري اذا صح او خطأ ؟؟ كان هذا الشاب مار جنبنا ولما طالعنا انا طالعته
بنظرات قويه واستحقرته عشان يستحي على دمه ولا يفكر يطالع ربيعتي بس لا حياة لمن تنادي والي زاد قهري
كنت امشي مع ربيعتي فحرم الجامعه ويمر هذا الشاب بسيارته وكان مسرع وشوي وبيدعمني انا انصدمت ولما طالعت
السايق شفته ورحت خبرت ربيعتي يمكن بتكرهه بس مافي فايده .. نقولها يمكن يحب ويمكن مرتبط
ويمكن ما يبيج وهي تقول بنتظره كل العمر ..الحمدلله هي مستحيل تكلمه بس جرد تفكير وحب من طرف واحد
ارجوكم تساعدوني كيف اتصرف معاها والله حاولت كل الطرق اني ابعدها واشغل تفكيرها بس مافي فايده
واسفه جدا على الاطاله عذروني تراني وايد اسولف

__________________

	حب الكلام يموت لو عاش أعوام ؟؟؟؟ بس حب القلوب يعيش لو كان مدفون!!!!!