السلام عليكم ورحمة الله وبركاته

هاذي أول مشاركة لي في هذا القسم واتمنى انها تنال اعجابكم ورضاكم ..

اليوم جايبة لكم طبق سهل .. وصراحة وااااايد حلو .. يعني مع اني مب من اللي يحبون التونه وايد ... لكن ماقدر اقاوم هالطبق ..



ويللا بسم الله نبدأ ..

اول شي المقادير .. طبعاً انا سويتها لشخصين ..

1- كوب أرز ..
2- جزرتين ..
3- بطاطتين ..
4- 4 ملاعق زيت ..
5- بهارات مخلوطة .. << عن نفسي اضع " كركم - بزار - هيل - فلفل اسود - كمون وملعقة ملح "
6- علبتين تونه ..
7- بصلة صغيره ..
8- فص ثوم مهروس ..
9- نص كوب دافي ماي ورد مخلوط بالزعفران

بسم الله نبدأ ..

أول شي نسخن الزيت ..



وبعد ان يسخن نضيف البصل والثوم .. لين مايصير لونهم ذهبي ...



بعد هذا نضيف البطاطا والجزر ..



ونتم نقلبهم على نار متوسطه .. لين مايلينون اشوي .. تقريبا 10 الى 15 دقيقة ..

ثم نضيف التونه على البطاطس والجزر ..



وعلى طول نضيف عليها البهارات ...




وبعد هذا نخليهم على نار هادية تقريباً 10 دقايق .. مع التقليب المستمر ..




وفي هاذي الاثناء .. نكون احنا نظفنا الأرز وصفيناه من الماء .. ونحطه في جدر يكون فيه كوبين ماي دافيين الى ان يتبخر الماء ... وتبدا تكبر حبات الارز .. وتلين ..









ثم نشخله من الماي اللي فيه .. ونسيت للاسف اصور .. ثم تضعين نصف كمية العيش ويفضل انج تستخدمين نفس الملعقة اللي استخدمتيها وانتي تخلطين التونه والخضره



وتضعين فوقها التونه



وتضعين كمية العيش المتبقية ...



ثم ترشين ماي الورد والزعفران ..


وعند التقديم تخلطيين الطبقتين مع بعض جي ..



سويتها على الغدا مع روب وخيار



واسمحوا لي ع القصور واذا في اي استفسار انا حاضرة واتمنى يكون عجبكم هالطبق ..

جزاك الله خيرا ويسلمووووووووووا الأيادي........ طبق شهي جدا

__________________

ربي لا تذرني فردا وأنت خير الوارثين

شكرااااااااااااااااا على الطبق الرائع
عمري ما جربت أسوي عيش بس راح أسوي هذي الاكله لانها عجبتني وشكلها سهله
جزاك الله كل الخير والعافيه

__________________

سبحانك اللهم وبحمدك

أشهد أن لا إله إلا أنت

أستغفرك و أتوب إليك

جزاك الله خيرا بس وش تقصدين بالعيش؟؟؟ هل هو الرز؟؟؟
وان شاء الله تحت التطبيق وحتمال عذا اعملها
انتظر الاجابه في امان الله

__________________
سبحانك اني كنت من الظالمين

يسلمو إيديكي
الله يعطيك العافيه

__________________

تسلمون خواتي على هذه الردود والتفاعل وان شاء الله بصور لكم قريب مجبوس الدجاج ..

اختي فوفو .. بالنسبة للعيش بالضبط اقصد به الارز ..

وان شاء الله تطبقون الاكلة وتعبجكم

جزاك الله خيرا وان شاء الله بكرى اعملها
في امان الله

__________________
سبحانك اني كنت من الظالمين

تسلم يدينك بإذن الله أجربها

يعطيك العافيه
شكلها لـــــــــــــــذيذ
كل الشكر لك

__________________

يعطيك الف عافيه

__________________
سبحان الله وبحمده
سبحان الله العظيم