بسم الله الرحمن الرحيم

ما اعرف من وين ابدا ....

قبل 12 شهر عقد قراني على ريلي واللي كنت ماخذتنه بس عشان ابوي قال عنه انه هو اوكي ومافيه اي عيب وعلى اخلاق وعلى دين و حالته الدراسية ثانوي و حالته اجتماعية كذا و عمره كذا و سمعت عنه وسمعت وسمعت وكل الاشياء زينه ، المهم انا ما كنت مقتنعه في الريال ابدا بس اني خفت ارفض راي ابوي واخذ اللي اباه على مزاجي وانا اتوهق واهم شي رضا الوالدين، ومثل ما يقولون اللي يمسي على كلام امه وابوه يتوفق بحياته ، يوم الثاني من الملجه اتصل بي وسالته عن دراسته وحالته الاجتماعيه وغيره وغيره اللي ابوي خبرني عنه ، اتخيلوو انه طلع عنده شهاده صف السادس و حالته الاجتماعيه يالله يالله يقد على عمره، يعني السالفه صارت لعبه، كلمت ابوي من اولها وقلت له انه هو عنده هالشهاده، تعرفون شو رد علي ؟؟؟، قال لي الناس اللي متعلمه الحين تلقونهم في الديسكو واماكن وصخه ومهتمين بالمخدرات و الخمر؟؟!!،، قام يتهرب من اجابته، المهم قلت مب مشكله انا بحاول اصلحه بايدي، قلت حق ريلي اقل شي روح المعاهد يكون لك درايه بالكمبيوتر باللغه الانجليزيه او انك اتكمل دراستك حتى انك تاخذ الثانويه، قام يتهرب ويتهرب لين ما عرسنا، واهني استوت البلاوي، عرسي كان كفن، صار الحين معرسه 6 اشهر والريال مب قادر علي، بعدني عذراء، فيه مرض جنسي شو هو بالتحديد ما اعرف قلت له روح اتعالج يقول لي انا ما فيني شي، حاولت وحاولت وماشي فايده، المهم يوم ورا يوم اكتشف اشياء واشياء، ريلي ياهل، ريلي ماشي غيره بقلبه، حتى الصلاه ما كان يصليها، بس الحمد الله الحين خليته يصلي، اتخيلوو والله وما اقص عليكم انا اللي ادخل المطاعم واسوي اوردرات وانا اللي ادفع وانا اللي اكلم الرياايييل وانا اللي اسوي كل شي ، والله اي بنت ما بيعيبها هالشي، الريال شخصيه وانا للحين ما شفت منه اي شي حلو

وشي ثاني حلو يوم الريال ياخذ شور حرمته ، بس اذا عدى الحدود شو اسوي؟؟؟، والاشياء اللي لازم ياخذ فيه شوري يطنشني ما يسوي لي سالفه، المهم خلونا من ها بتكلم عن عقليته ، هو يوم كان عمره 16 سنه دعمه واحد وهو بالشارع، واثر هالشي بنطقه وعقله، واستوى استيعابه بطئ، يعني يوم اكلمه كاني اكلم مراهق ما اكلم واحد عاجل مع انه عمره 29 سنه، لازم يكون انسان فاهم، وانا اشوف انسان مينون جدامي، يوم بنيي وبنيلس مع الناس كله يروح ييلس مع صغار يه ويسولف وياهم وما يسير عند الرياييل، الناس ترمس عنه وانا اللي انضر انا االلي نفسيتي اتضيق، اوقات اقول ليش كل ها يصير فيني، والله اني اتمنى الموت، والله شي وايد اشياء مب عارفه كيف اطلعها من الضيق اللي فيني، من سنه وانا صابره ومب قادره اتحمل زياده اخاف اسوي شي بعمري

الحين منو الريال فينا؟؟؟ انا ولا هو ؟؟؟؟ شو الحل؟؟شو اسوي عشان اصلحه،،،؟؟ بليز خبروني... ترى والله في اشياء بعدني ما قلت لها. وراح اقول لها يوم مزاجي يكون رايق