جاني خطيب هذي مواصفاته...محتارة جدا - منتدى عالم الأسرة والمجتمع

25-04-2007, 05:26 AM

qamar14

عضو جديد

تاريخ التسجيل: Jun 2006

المشاركات: 3

جاني خطيب هذي مواصفاته...محتارة جدا

السلام عليكم..

انا عمري 25 سنة ما تزوجت قبل, و اللي خطبني عمره تقريبا 29 ,و ابوي سال عنه و كل شي و نصحني اوافق عليه :و انا اثق براي ابوي كثير بس فيه حاجات مخليتني اتردد...

اولها: ان الولد معاه شهادة ثانوي و انا جامعية..مع انه و ظيفته و الحمدلله ممتازة و دخله تمام و مخطط ياخذ بعثة لامريكا بعد سنة.. مشكلتي هنا اني اخاف اي اختلاف في و جهات النظر بيننا مستقبلا يفسره هو اني شايفة نفسي عليه, مع انه من ناحيتي ما احكم على الشخص من خلال شهادته اطلاقا.. فاتمنى خاصة من الاخوة الرجال يعطوني و جهة نظرهم..

الشي الثاني: انه سبق له الزواج, يس كمل مع زوجته اقل من شهر بعدين طلقها, و السبب ان البنت كرهته في شهر العسل بدون سبب فجاة و طلبت الطلاق.. و انه حاول هو و اهلها مع البنت بدون فايدة فطلقها بالاخير ..و احنا سالنا اهل البنت عن هالشي و تاكدنا انه صحيح..

اللي مقلقني مو انه مطلق, لا ,لان كل شي قسمه و نصيب .انا قلقانه لاني احس انه ما اخذ و قت كافي يعني اقل من شهر اشوف انها قليله.. و الحياة الزوجية يبي لها صبر ..

ادري طولت عليكم ,بس بقى شي اخير, انا طلبت اهله يزورونا عشان اشوف طبايعهم و اقدر اقرر..هل فيه حاجات ممكن اسويها خلال هالزيارة او شغلات معينة انتبه لها ممكن تبين لي اطباع امه و خواته على وجه التقريب؟؟
اتمنى تفيدوني لاني جدا محتارة.. و اسفة على الاطالة بس اثق في ارائكم كثير و شكرا مقدما..

25-04-2007, 05:45 AM

شيخة الزيـــــن

عضو نشيط جدا

تاريخ التسجيل: Mar 2007

المشاركات: 409

هلا حبيبتي الله يوفقك ويكتبلك اللي فيه خير لك

اول شي وقبل اي شي لازم الاستخاره ثم الاستخاره
وماخاب من استخار برب العالمين

وثانيا انتي يوم الشوفه الشرعيه كيف كان شعورك ارتحتيله او لا؟
اذا كان ارتحتي هذا مؤشر حلو,وابوك يمدحه بعد زين
وحبيبتي ترى التفكير مو بالوقت بالعكس اذا استخرتي وارتحتي وطولت المده بتجلسين تفكرين باشياء مالها داعي,
خلاص اتكلي على ربي وشوفي اهله اذا ارتحتيلهم او لا
ترى مراح يفيدونك بالاسئله لان كل ناس يمدحون ولدهم
اهم شي الراحه صدقيني
والله يسعدك

__________________
( سبحانك اللهم وبحمدك..اشهد ان لا اله الا انت..أستغفرك واتوب اليك)

25-04-2007, 06:03 AM

qamar14

عضو جديد

تاريخ التسجيل: Jun 2006

المشاركات: 3

هلا حبيبتي شيخة الزين..

انا ماشفته الين الحين باشوف اهله اول.. و الاستخارة مداومة عليها ان شاءالله بس حبيت بعد اخذ ارائكم

شكرا يا قلبي

التعديل الأخير تم بواسطة روح الغالي ; 25-04-2007 الساعة 03:16 PM

25-04-2007, 08:16 AM

مافي احد مثلي

عضو نشيط

تاريخ التسجيل: Mar 2007

المشاركات: 129

صباح الخير

اول شي الله يوفقك

بعدين اهم شي الاستخاره وتشوفينيه ماعليك من اهله انتي بتعيشي معه ولا مع اهله

ليش تتوقعي البلاء قبل حدوثه ماشاء الله عليك قريتي تفكيره انه

لاصار اختلاف بيفسر الموضوع على الشهاده لاياعزيزتي

انا ماخذ وحده جامعيه وانا معي ثانويه ماطرى ببالي الشي هذا

توكلي على الله واستخيري والله يوفقك

تحياتي لك

25-04-2007, 10:14 AM

ipod

عضو دائم

تاريخ التسجيل: Apr 2007

المشاركات: 72

كما قالوا الأخوة وأزيد عليهم :
أنه مهما كان الفرقات والطبقات أذا كان فيه الحب ما فرقت
يعني على سبيل المثال أنا جامعي لكن ماعندي مشكلة
لو أتزوج دكتورة أو وحدة معها ماستر هي السالفة مهب وظيفة !!!
السعادة علمها عند الله سبحان السعادة لاتقاس بمقايسس
حسية وأنما هي شئ معنوي لا يحكمه عادات ولا تقاليد
ولا طبقات ولا حتى دين ( يعني قد الأنسان المسلم يجد السعادة مع وحدة نصارينية أو يهودية !! )
هذا والله أعلم

25-04-2007, 11:23 AM

سديد الرأي

عضو نشيط جدا

تاريخ التسجيل: Sep 2006

المشاركات: 480

1_أنصحك بالموافقة

2_زوجته الأولى هي التي طلبت الطلاق وليس هو

3_لاتبيني له أنك أفضل منه في الشهادة لأن الرجل قيمته ليست في شهادة يحملها

4_ عمرك 25 وش تنتظرين

__________________
كل ابن أنثى وإن طالت سلامته يوماً على آلةٍ حدباء محمول

25-04-2007, 11:38 AM

lucky2211

عضو نشيط

تاريخ التسجيل: Jan 2006

المشاركات: 177

استخيري

ثم

ما قلتي لنا عن دينه, كيف الولد من الناحية هذي؟

ثقافة الشخص أتوقع أنها مهمة, لو تخلين مثلا أحد من اخوانك أو أبوك يجلس معاه يشوف كيف الولد!

غير كذا أقول:

توكلي على الله

- الله يكتب لك اللي فيه الخير والصلاح.

__________________

ادعوا لي:
اللـــه ييســــــر أمــــــــوري

25-04-2007, 11:39 AM

كريستال

عضو مميز

تاريخ التسجيل: Apr 2006

المشاركات: 1,913

حبيبتي حاولي تفكري بهداوه وشوفي انطباعك الاول واحساسك هو اصح شي

استخيري وكثري من الاستخاره

ولاتردي على انه بما انه عمرك 25 تستعجلي بالزواج توك صغيره

والتفكير السليم في الموضوع اولى من الندم بعدين

واذا ممكن عندكم تقعدي مع الرجال (الشوفه الشرعيه) شوفي اذا بترتاحيله ولا لأ

و صدقيني الفرق بالتعليم مو سبب ابدا للمشاكل انا واختي تزوجنا اثنين بنفس المستوى التعليمي الثانويه

واحنا جامعيات زوجها جدا متفهم وزوجي جدا عقله صغير

يعني بالمختصر التربيه هيه الفاصل مو التعليم

شوفي اهله لو ارتحتيله وارتحتيلهم اتوكلي على الله ..

موفقه حبيبتي..

تحياتي

__________________
اللهم ياحنان يامنان ياحليم يامالك الملك بيدك الخير كله اسألك باسمك العظيم ان تشفي اخي شفاء تاما لا سقم بعده ..

25-04-2007, 12:23 PM

الحب المستحيل2

عضو نشيط جدا

تاريخ التسجيل: Sep 2005

المشاركات: 609

أختي تفكيرك صحيح ،، وفعلا أحس إنك عاقله

أولا صلي استخارة

ثانيا اسألي عنه مره واثنين وثلاثه
عن الولد واهله

لا تسألي شخص أو اثنين

بل اسألي شباب في مثل سنه عنه

عشان تعرفين بالضبط طبيعته وطبيعة تفكيره

لان طلاقه في هذه الفترة القصيرة يثير الشكوك

والله يوفقك

25-04-2007, 01:28 PM

#10

د.عبدالعزيز

عضو دائم

تاريخ التسجيل: Apr 2007

المشاركات: 58

وعليكم السلام ورحمة الله وبركاته ..

اختي الفاضله / qamar14

يا أيها النساء لاتجعلووووووو الشهادة تعيق زواجكم , اذا كان الرجل ذا دين وخلق ومتفهم وموظف فلا

مانع من ان تقبلية .

_ اذا كنتي تثقي في رأي ابيك فهاذ يسهل عليكم طريق السؤال عنه بعد التأكد من هذا الخطيب.

_ الحمدلله على انه متوظف ودخله ممتاز وتفكيره السليم في تكملت دراستة .

_قليل جدأ من الرجال بأن ينظر الى زوجته او يفكر بأنها اعلى مني مرتبه او شهاده ألا اذا قالت الزوجه

لزوجها بأني اعلى منك في التعلم مما يسبب المشاكل لطرفين .

_هو لم يطلب الطلاق , وسبب طلاقهما احتمال عدم التفاهم الطرفين او ونفس بينهم(العين) او وجود

اسباب اخرى .

_بالنسبة لزياره فلا مانع انت تتعرفي على اطباعهم او ترا خطيبك (الشوفه الشرعية ) وهذا من حقك.

أسأل الله ان يوفقك الى الخير

وشكرا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه