احبتي الكرام....
قام بكتابة هذا الاقترا ح زوجة اخيكم حفظهاالله ورعاها,,,,
**************





وحده اعرفها جمالها متوسط بس اخلاقها رفيعه والبنت رائعه جدا ..

وصل عمرها للثلاثين وهي لسى مااعرست ..

وأستغربت وسالتها يمكن هي تردد اللي يجيها وحاطه شروط ومواصفات صعبه ..

قالت انها بصراحه جتها عقده نفسيه من كثر مايجون هالحريم يتفرجون عليها ويطلعون ولايردون خبر ..

وطبعا بعض الحريم يبون مواصفات معينه .. زي الحريم الكبار يبون المليانه والبيضاء وام شعر طويل ..



وبصراحه انا اقترحت عليها هالاقتراح وان شاء الله انكم تؤيدوني عليه ..



قلت لها شوفي .. اول ماتدق عليكم الحرمه وتسال عنكم وعن اصلكم وفصلكم ..وهي اكيد مادقت الا عارفه من انتي بنته وووش اخلاقك ومواصفاتك بشكل عام .. او امك تقولها عن شكلك ومواصفاتك .... الخ

خذوا رقم ولدها .. وخلي ابوك يسأل عنه .. ولما يطلع ابن ناس اجاويد واخلاقه تمام ..

علطووول خلي ابوك يطلعك عليه ويشوفك .. وانا متاكده ان شاء الله انك بتعجبينه



لان ذوق الرجال غير ذوق الحريم ..

ويمكن الرجال يرتاح لك من اول نظره ..

ويشوف فيك اشياء وأمور تهمه ويمكن امه واخواته مايشوفون هالاشياء او يهتمون لها ..

وبنفس الوقت ماله داعي امه وخواته يجون يشوفونك الا اذا جت الشبكه او الملكة..

دام انتي عجبتيه .. وانتي اللي راح تعرسين عليه .. خلاص الامر منتهي بإذن الله





ولا وش رأيكم .. قد أحد جرب هالاقتراح ونجح معاه ؟؟؟