مشاكل بسبب الرضاعه الطبيعية - منتدى عالم الأسرة والمجتمع

18-06-2007, 08:33 PM

Cotton Candy

عضو نشيط جدا

تاريخ التسجيل: Mar 2007

المشاركات: 718

مشاكل بسبب الرضاعه الطبيعية

السلام عليكم و رحمة الله و بركاته

اخواني اتمنى منكم مساعدتي في هذه المشكله

(ما عرفت وين احط الموضوع بس اعتقد هالقسم مناسب لان المشكله مش بالرضاعه الطبيعيه بس)

انا متزوجه من سنتين

في بداية زواجنا حملت تقريبا في الشهر الثاني من الزواج
و زوجي على نهاية الحمل قال لي لازم ترضعين طبيعي و تطولين في الرضاعه الطبيعيه و اول ما توقفين عن الرضاعه راح تحملين
انا هيئة جسمي ضعيفه و ما احب اكل ..اكل على قد حاجتي بس لسد الجوع
مادري اذا هذا يأثر عالرضاعه
بس انا من بعد الولاده كنت اشرب الحليب و احاول اكل اوكي و كنت اشرب شاي لزياده الحليب و كان منه فايده بس اذا ما شربت هذا الشاي ما ينزل الحليب
ورحت للدكتور عشان يحل لي المشكله بس للاسف طلعني امام زوجي بأني ما ابي ارضع طبيعي
و قال الاكل و الشرب ماله دخل بزيادة الحليب
اهم شي الاراده اذا الام تبي ترضع طبيعي راح ينزل الحليب
و سوا لي سالفه انتي خايفه على جمال صدرج و انتي تبين اسهل طريقه و ما تبين تتعبين

قهرني هالدكتور لان كلامه بين لزوجي اني ما ابي ارضع طبيعي و بالعكس انا ابي ارضع (عندي اسباب تخليني ارضع غير انه مفيد للطفل فهو يساعد على تقلص الرحم و البطن يروح و الرضاعه بعد تكبر الصدر و انا صدري صغير و ودي اني اكبره)
المهم انا رضعت طبيعي و بمساعدة الصناعي لمدة 6 شهور تقريبا و بعدين وقف الحليب
و حملت و الحين انا في الشهر التاسع من الحمل
و زوجي يهددني بالحمل للمره الثالثه يعني اول ما اوقف عن الطبيعي راح احمل

و انا بصراحه نفسيتي تعبت واااااااااااايد من الحمل الثاني
لاني على طول حملت و اخاف من عيون الناس و الله اني طول الحمل الثاني و انا تعبانه و شعري طاح ياتني الثعلبه و اتقصف الشعر و صار خشن و جسمي طلعت فيه حبوب الدنيا و طلعت فيه بقع سودا
و انا اعرف ان هذا من عيون الناس لان كلهم يقولون شدعوه انتي حامل؟! بل على طول حملتي و الخ الخ

المهم الحين انا احاتي..
مادري شلون بتكون حياتي من بعد الولاده
لازم ارضع طبيعي و اهتم ببنتي و ما اخلي الخدامه تعتني بها لازم انا اللي اعطيها الوجبات و ابدل لها و من غير هذا ارضع البيبي طبيعي و ابدل له
(لان زوجي ما يبي الخدامه تساعدني مع عيالي

)
و من غير هذا انا راح اداوم من بعد الولاده بشهرين
فبضطر اعطي البيبي صناعي و بضطر اخلي عيالي مع الخدامه (زوجي ما يمانع من هالشي لان الخدامه بتكون عند امه)

سوري الموضوع وااايد طويل بس حبيت اوضح قد ما اقدر عشان تقدرون تساعدوني

المهم الحين المطلوب منكم

1: شاسوي عشان اخلي زوجي يتفهم ان بودي اكمل بالرضاعه الطبيعيه بس هالشي مب يدي

2: شاسوي عشان اتفادى الحمل لثالث مره مع العلم ان ما عندي الجرأه اني اخذ حبوب منع الحمل من دون علم زوجي لانه ماشاالله عليه اذكى من جي

(انا و الله نفسيتي تعبت من الحمل و كرهت نفسي و شكلي لان زوجي ما شاف شكلي بدون حمل و كرش الا اول شهر من الزواج بس ,,بعدين حملت و قعدت 6 شهور ببطن ما بعد الولاده و حملت على طووول
فو الله كرهت شكلي بالكرش و احس ان زوجي راح يكرهني خصوصا مع الفضائيات و الافلام , الوحده تقتهر ان زوجها يشوف هالمناظر و هي قاعده مع الكرش

)

3: شلون اخليه يقتنع بأني ما اقدر عالعيال من غير مساعده

4: الدكتور قال لي اني لو قمت بشفط الحليب فهذا راح يطلع الحليب اللي في الثدي و ما راح يزيد الحليب اما شفط البيبي للحليب يزيد الحليب,,, هل هالكلام صحيح؟؟

5: شلون اتطولون بالرضاعه الطبيعيه؟ اسمع كل وحده تقول رضعت سنتين و اللي تقول سنتين و شي شلون؟ و في وااايد منهم يشتغلون ؟ شلون يطول الحليب عندكم؟ اذا داومتوا شتعطون البيبي في غيابكم حليب صناعي و لا طبيعي؟

بلييييييز ساعدوني

__________________

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه