السلام عليكم ورحمة الله وبركاته
اخواني واخواتي الاعضاااااااااء بعد ما شفت اهتمامكم العفيف فبعض وحب الخير اللي فرحني كثير
حبيت اشاركم همومي يمكن هالشي يخفف عني راح ابدأ القصه من اولها
قبل اربع سنين كنت طالعه لغرفة اخوي واتفاجى بولد عمي خرج من الغرفه جات عيني فعينه ماتتعدى ثانيتين وانا نزلت وهو دخل الغرفه مرت السالفه على خير ونسيت الموضوع صح اني قعدت ارجف ساعه بعد هالموقف بس مرت سنه والسنه اللي بعدها وانا ولا على بالي ونسيت الموضوع بالمره
قبل سنتين بالتحديد كانت زوجة اخوي "بنت عمي " عندنا وتلفون بيتنا يدق وماما ترد وتقول خير ان شاء الله اكلم اخوانها انا عرفت انو وحده متصله تخطب خصوصا بعد الحفله اللي حضرتها قبل بيوم زوجة اخوي كانت تقاطع ماما وتقولها لا تعطيهم يا عمه كلمه وانا اتفاجأت من كلمتها ومشيت الموضوع وبديت افكر بالموضوع واليوم اللي بعده اجي من الجامعه والاقي اختي تقولي مرة عمي اتصلت تخطبك لفلان انا انصدمت آخر شي اتوقعه المهم ماما قالتلي انو يبغاني من زمان بس كان ينتظر اخلص ثانوي ولما دخلت الجامعه تقدمو خصوصا لما عرفو عن اللي متقدملي المشكله مو هنا
المشكله اني وافقت وتمت الامور والامور على حالها لها سنتين و7 شهور خطبة بس كلام قبل شهر بس عرفت انهم ساكتين عشان اخوي قالهم اني لازم اكمل دراستي قبل كنت احسبهم علقوني وراحو وكثير نرد خطاب بحكم اني محجوزه طبعا بدون ملكه لو اني مملكه ما اكن ذا حالي المهم قبل ثلاثه شهور """" اخت خطيبي صديقتي من وحنا صغار ما ادري من فين جاتني الجراة اني ارسلها مسج واقولها ( بعد السلام والكلام ممكن تسلميلي عليه ) ردت قالت يقولك الله يسلمك قمت انا رديت قلتها بس صدق انه بخيل رجعت ارسلت الحين يوريك الكرم وارسل رساله كلها غزل بس من الرسايل التقليديه يعمني مو كلامه
قمت انا من غبائي ارسلت لها ممكن تسأليه انا بالنسباله ايش بحياته انا ايش اعنيله قالتلي خلص رصيدي وبكره كملو كلامكم قلتلها اوكي وانا على نار جا بكره وارسلتها ها خليه يجاوب وهنا بدت المصيبه قام يتكلم ويوجه الكلام لي مو زي اول كان عن طريق اخته قال انتي بالنسبه لي البحر وانا السمك عمر السمك عاش بدون البحر وقمت ارسلته ودك تعرف انتا ايش بالنسبالي رجع ارسل " طبعا كله من جوال اخته صديقتي " اكيد ودي اعرف سنتين وانا ما اعرف الين حت شعري اكيد انتظر ردك قمت انا من قهر الانتظار سنتين ونص قلت كلام ندمت عليه الحين قلتله انك ما رحت عن بالي ولا لحظه طول هالسنتين وانا ما افكر الا فيك تعبت حتى سلام ما يوصلني منك كنت اقول هو ولا على باله وملك تفكيري لهالدرجه رجع ارسل وقال اذا كنت انا مالك تفكيرك سنيتين فانتي مالكه تفكيري من اربع سنين من يوم شفتك بعد ما كبرتي وخلاص انتهى الموضوع وانا مرعووووووووبه خايفه انو يكون آخذ فكره غلط عني لاني ما اعرف كيف يفكر صح عرفت بعدها انو قام وتحرك وكلم ابوه واخوانه انهم يقدمون الزواج ويصير بدري وعرفت انو بدا يضبط اموره بس حسيت فيومها مخنوووووووووقه وودي اقوله احساسي بهالسنتين تعبت والحين ندمت اشد الندم ما ادري فين عقلي كان يوم اني تجرات طمنوووووووني واعطوني رايكم اللي بصراحه صرت اثق فيه كثير وانا آسفه عالطاله ثرثاره ما اعرف الا بالتفصيل ريحوني او حتى انصحوني قولو اي شي وانا راح اتقبل مع العلم انو اختي تدري بكل اللي صار بس ماما لا ولا اخواني راح انتظر ردودكم بفااااارغ الصبر

عادي ياقلبو غلطة وعدت
بس خلاص لاترسلي مسج وخليكي ثقيله ورزينه
واساسا دام ماملكتوا مايجوز ياقلبي تتراسلوا او تكلموا بعض
ايش يقول عنك الحين هذي البنت (مخروشه )......<<<<< فضحتونا يابنات ايش يقولوا عننا الرجال ...امزح
حالياً لاعاد تكرري حركاتك
الين ماتملكوا ....وحتى بعد الملكه خليكي ثقيله كمان
بعد الزواج اعطيه من حبك وحنانك على كيفك وكيفه
حاولي تمسكي نفسك ياستي

__________________

27 مشاهده والردود 1 وربي تحطييييييييييييييييييييييييييم

عادي يامي

الي صار صار انسي السالفه وحاولي تكونين رزينه علشان ما يفهمك غلط

الله يوفقكم مع بعض ويسعدكم

اختك بالله جينز

__________________

حبيبتي..هي غلطة بكل تأكيد ..لكن احساسي ان نتائجها ستكون رائعة..

اتوقع والله اعلم.. انه سيستعجل في الموضوع وتتم الملكة في اقرب وقت لانه وجد انك تفكري به

كما هو يفكر بك..

الله يسعدك ياغالية ولاتعيديها..

أختك

حائزة

__________________

الاعضاء هنا رااح يفيدوونك بس تحملي بعض الكلاام..
لان حبهم للخير يخليهم يكوونوون بعض الووقت قااسين..
وأنا مثلك أثق في رأيهم خصووصا بعض الاعضااء اللي بوودي اكتب أسااميهم من شده احتراامي لرأيهم بس احترااما لبااقي الاعضااء ما أقدر..
وأثق تماام الثقه انهم رااح يفيدوونك..
تحيااتي..واعذريني لاني ما أقدر أفيدك..بس بانتظاار الاعضااء

__________________