السلام عليكم جميعا ..
شهر مبارك على الجميع وكل سنه وانتوا طيبين ..
انا اكتب لكم اليوم وانا مهمومه مررررره وودي تساعدوني ..
انا متملكه من ثلاث سنوات ونصف .. ومابيني وبين خطيبي غير مكالمات بالجوال بس ..
من كم شهر كذا صرت كلما افكر في موضوع زواجي تجيني ضيقه وكدر .. لأن الموضوع تأااااااخر مره ..
تصدقووون كل صديقاتي تزوجوا .. المخطوبات وغير المخطوبات ..
وبنات العائله كلهم تزوجوا حتي اللي اصغر مني بسنوات ..
وانا جالسه مكاني .. ماتغير حالي ..
خطيبي مررررره بارد .. واحسه مختلف جدا عن باقي المملكين ..
كل الشباب يكونوا مستعجلين علي الزواج .. ويكثروا من الاتصالات وكلام الحب والغزل ..
الا خطيبي .. رزين وعاقل لدرجة الطفش ..
انا في البدايه كان الامر عادي عندي .. لكن من كم شهر صرت ابغاه يتغير ..
وصرت اطفش كثيييير منه .. وكل يوم لي مزاج شكل معاه ..
مراااات اكلمه والاقى في نفسي سيل من المشاعر الجارفه ناحيته .. واكون في قمة اللطافه والادب معاه ..
ومراات ازعل واطفش من اي شئ يقوله .. واتمنى لو يختفي من حياتي ..
لاتقولوا لي كلميه يعجل بالزواج لأني مقدر اقولها بصراحه ..
لكني حاولت عدة مرات المح له وهو مايفهم ابدا ..
واحيانا احس انه فاهم لكنه يتغابى !!
طلبت منه مرات كثيرررره نقطع اتصالاتنا كم شهر .. لكنه مايرضى ..
انا ودي بس انسى انه موجووووود .. وما افكر فيه ابدا ..
ممكن تساعدوني ???
17-09-2007, 12:50 PM
ضوابط المشاركة
العرض الشجري