السلام عليكم ورحمة الله وبركاته
إلى أحلى أعضاء بأحلى منتدى اللي أحترم رأيهم كثيييييييييييير
صارت مشكله بيني وبين خطيبي قبل كم يوم مااقدر أقول المشكله لكن هو يقولي إنك انتي الغلطانه ومع ذلك اتأسفت في لحظتها لكنه قلي كلام يجرحني ويجرح أي بنت تسمعه ومن بعدها ماصرت أكلمه ولا ادق عليه هو أتصل ثاني يوم ولما شافني ماارد ماصار يتصل
في البدايه انا طنشت لكن هذي اليومين اشتقتله وعرفت اني مااقدر استغنى عنه
وهو ولا يسأل لانه يستناني أكلمه وانا غروري كأنثى منعني وخاصة اني اعتذرتله قبل هالمره
ايش الحل اصالحه انا ولا استناه وإذا انا اللي اصالحه
ياليت تعطوني فكره حلوه اصالحه فيها وايش اقلله :
اسفه للاطاله بس والله ماليا غيركم

__________________
اللهم اغفرلي ولوالدي وارحمني واسكني فسيح جناتك ياحي ياقيوم

عليكم السلام ورحمة الله وبركاته

عفواً .. يُنقل للمكان المناسب .

صالحيه
مو حلو الخصام بين الزوجين

وبما انك انتي الغلطانه كلميه واعترفي بغلطتك
وقولي له انك اسفه وماراح تكرري هذا الشي

وبعدين تكلمي معاه عادي

اكيد هو يتغلى عليك الحين وينتظرك تكلميه

موفقين يارب
:14:

عندي كم مسج يارب يفيدوكي


كل ما ذكرت انك رفيقي بها الكون .. احس كن الكون كله بيديني
يا صاحبي والله ما غيرك يمون .. انت غلاي ونور قلبي وعيني
لا غبت عني صرت للهم مرهون .. لا شفت رقمك عادت الروح فيني

عساني افقد الدنيا ولا في يوم افقدك .. عساني اموت واندفن ولا اخسر محبتك

انا بدونك
"ليت يوم ماكنت"
بس انت قولي
كيف حالك بدوني ؟؟


متى يجي موعدي وياك علمني .. اتعبت روحي وانا وعيني على الساعة


علمتني كيف احبك ولعيونك اشتاق .. بس نسيت تعلمني الدنيا بغيابك كيف تنطاق ..

وفكرة تانية ..
ممكن ترسليلو بطاقة على الايميل ..او رسالة وسائط ..
او تكتبي كل الي تحسي بيه على ايميل بس لا تكتري من الاعتذار او بالاصح بما انك اعتذرتي انسي المشكلة وخليكي في شوقك ..
وتبي الصراحة انا احس احلى الاوقات لما نرجع لبعض بعد غياب وزعل بسيط ..يعني احس المشاكل البسيطة تقربنا لبعض اكتر
ونصيحة طلعت بيها من تجربتي>>
ترى الرجال ما يحبو الحرمة الي تزعل على اي شئ .. خلي زعلك ودموعك للشئ الي يسوى

الله يجمعكم على خير يــــــــارب

انا عندي لك حل ..

ارسلـي لـه رسالة تهنئه بـ قدوم شهر رمضـآن

و اكتبي قبل بدايتهـآ ( قبل كل النآس لـ اغلاهم )

و اكيد راح يحس فيك

__________________

آدعوا لـي .. " بالزوجة اللي تملى علي حيآتي " ..

__________________

يا هلا ...

اختي دام انك اعتذرتي .. مو مشكله تنازلي شوي .. واتصلي عادي ما كأن صاير شي ..

اختي الحياه الزوجيه لازم يكون فيها شوية تضحيه و شوية تنازل ... عشان يمشي المركب ..

بس اختي اذا كانت التضحيه والتنازل فيهم اهانه و تجريح لكرامتك اختي انصحك ان تتحاوري مع خطيبك ..

يعني مره انتي تتنازلين مره هو يتنازل خاصه في الامور البسيطه ..

دقي على خطيبك حالا .. و طيبي خاطره ..

وربي يسعدك .. امانه عليك طمنينا كيف كانت الصلحه ... (امزح )

أميرات ..

أختي ملفوف...
هذا خطيبك وزوج المستقبل .. فالغرور ليس له مكان بينكما.

والزوجين يجب أن يكونوا أذلاء فيما بينهم...

فالله سبحانه وتعالى وصف المؤمنين بأنهم أذلاء فيما بينهم .. وهذا مدح لهم ..

قولي له الكلام التالي ... وطبعاً هو أقتراح وأنتي اللي تمتلكي القرار المناسب:

قولي له : أحنا نتحمل بعض بأغلاطنا وكل شي في حياتنا .. لأن ما حد بيتحملنا من الناس كلهم غيرنا احنا الاثنين..
يعني انا اتحملك واستوعبك بكل ما فيك ... وأنت كذلك تستحملني..

وبيني له بأن كل تصرفاتك تنتج عن حسن نية .. وباسم الحب .

__________________
كن كالنخيل عن الأحقاد مرتفعا
يرمى بصخرٍ فيعطي اطيب الثمرِ

اقتباس:

]مااقدر أقول المشكله لكن هو يقولي إنك انتي الغلطانه ومع ذلك اتأسفت في لحظتها لكنه قلي كلام يجرحني ويجرح أي بنت تسمعه ومن بعدها ماصرت أكلمه ولا ادق عليه هو أتصل

لكن انتِ تأسفتي المفروض يسامحكِ بدل مايجرحك والمفروض يحترم مشاعرك مايجرح ويتلفظ بكلام قاسي
وبعدين هو حس يوم ما دقيتي عليه وحس ان خاطرك زعلان منه هو الي اتصل وهذا المفروض الي كان يصير

اقتباس:

في البدايه انا طنشت لكن هذي اليومين اشتقتله وعرفت اني مااقدر استغنى عنه وهو ولا يسأل لانه يستناني أكلمه وانا غروري كأنثى منعني وخاصة اني اعتذرتله قبل هالمره

حتى لو اشتقتِ له اضغطي على نفسك ولا ترسلين لا مسج ولا تتصلين والمساله مو غرور إلخ ماعندي وقت اشرح واكتب

اقتباس:

ايش الحل اصالحه انا ولا استناه وإذا انا اللي اصالحه

وليه انتِ تصالحينه انت الزعلانه مو هو لانك انتِ من البدايه تأسفتي خلاص الي عليك سويته

شوفي ترى الزوج على ماتعوديه وبعدين خليه طنشي شوي ترى بيتلهف عليك ويفكر بك وهو الي يتصل يسال عليك ويدور مو انتِ !

معليش لو كنتِ قاسية

لكن هذا في مصلحتك عشان يقدرك ويشتاق لك ومايتعود انه يزعلك

الله يسخر لك زوجك غلاتي ملفوف ويحفظكم يارب موفقه ان شاء الله

والله أدخلتم السعاده على قلبي حسيت فعلا انه لي أخوان وأخوات مشكورين وماقصرته على ردودكم الغاليه عسى ربي لايحرمني منكم
ياريت هالمشكله صارتلي من زمان عشان اشوف محبتكم لي واهتمامكم
بس نسيت اقولكم اني بعد المشكله ارسلتلوا مسج ووعدته اني ماراح اتصل عليه ابد وماراح يشوف رقمي وانتم عارفين وعد الحر دين عليه

__________________
اللهم اغفرلي ولوالدي وارحمني واسكني فسيح جناتك ياحي ياقيوم