السلام عليكم ورحمة الله وبركاته........

مبارك عليكم الشهر وكل عام وانتم بخير

في خلاف بيني وبين زوجي هذه الايام وهالمرة المشكله تخصني ومو قادره اتنازل عن حقي.....

قضيت اربع سنوات ونصف بالجامعه.....وكل هذه السنوات كنت اتمنى وانتظر يوم التخرج بفااااااارغ الصبر.... لكن ما صدمني هو رفض زوجي التام والقااااااااطع لفكرة ذهابي لحفله التخرج.......رده كان لي مثل الصفعه.....قلت له مستحيل كل هالسنين كنت انطر الحفله بفاااااااارغ الصبر......بعدين انت وعيالي واهلي كلكم بتحضرونها حالي حال باقي المتزوجات من الطالبات......قالي انسي.....قلت له ممكن اموت لو مارحت......قال تموتين ولا انك تحضرين الحفله.......مو قادره اتنازل ابدا......بعدين فكرت بمسأله اكمالي للدراسه فسألته شلون لو ابكمل دراستي.......قال اغسلي ايدج.....هالمرة صج لو تموتين ما تكملين دراستج.....والله الجامعه ما تطبينها الا على جثتي......معقوله المسأله وصلت للجثث والموت.....ااااااااااخ..... بس شرطي الوحيد بعقد الزواج هو اكمااااال الدراسه.....قال نعم وانا ما قصرت وخليتج تكملين الثانويه واحمدي ربج دخلتي الجامعه....

قلت على الاقل بس اخذ الروب الاسود منهم.....قال انا اسويلج روب ابيض مو اسود بس انسي شي اسمه جاااااامعه.....وعصب وقعد يصرخ علي....انتي ما تستحين المفروض من نفسك تلغين هالفكرة ومن يومها كل مايشوفني يعيد نفس الموضوع ويهزءني....مازاد الطين بله....اني قبل يومين داومت وانا حاطه مكياج......ودوامي كله حريم مافي خيال رجال......بيوم وبعد تقليب موضوع حفله التخرج قالي انتي مو ملاحظه انج متمرده هالايام.....تحطين مكياج......يعني بالامانه متمكيجه جدامه وهو اللي موصلني للدوام.....الحين يعاتبني.....هالمرة انفجرت وقلت له الشرهه عليك مو علي اذا ماكان عاجبك المكياج قولي وانا اغسله......

وبعدين.........؟؟؟ شنو الحل....؟؟



سامحوني افكاري مو مرتبه بس عيوني تعورني من الكمبيوتر.....








دوووووووووووووووت

__________________