انا فتاة متزوجة منذ كم شهر تقريبا 6 شهور يعني لسه عرسان جدد لكن زوجي لا ادري ماذا يحدث له

فأحيانا يزعل ويعصب على اتفه الاسباب ولربما من دون اي سبب ويأخذ على خاطره مني مع اني ماسويت

له شي ولا سويت شي يزعله ويقول اتركني بروحي بعدين انا لما اهدأ ارجع متل اول وبعدها متى اجى

على باله يرد يكلمني وكأن ماصار شي واذا كنت مكشرة او زعلانة بسبب الي صار يقولي انسي يعني

اوكي هو خلاص نسي وقال الي قاله وفش كل شي بداخله ولما اجى انا اخذ على خاطري على الي

سواه يقولي انتي نكدية وتفتحين مواضيع راحت من هل الكلام وعلى طول على هل الحالة وهو تعود اني انا

الي اراضيه لان هو لو شنو مايجي يراضيني حتى لو هو الغلطان ولا يجبر خاطري بكلمة ولما اسأله ليش

يقولي قرفان من حالي ومن كل شي والحين هو من امس على هل الحالة كلمني الصبح بالتلفون يقولي

انا ماكنت بكلمج لاني من امس متضايق بس قلت يلا مو مشكلة اكلمها كأنه يحملني جميلة انه يدق

ويتطمن علي وصراحة بعد ماقال لي هل الكلام انا من النوع الحساس جدا حاولت اني ماابين له اني

تضايقت من كلامه بس ماقدرت غصبا عني صرت اكلمة واجاوبه على قد السؤال بس بعدين هو قالي

شكلك نايمة يلا باي وللحين مااتصل وانا شفت انه الحل الوحيد اتركه لما يهدى ومااتصل عليه لاني

ماسويت شي ولما يشتاق لي يتصل علي واروح عند اهلي وابعد عنه احسنلي شوي يمكن زهق ومل

مني انا آآه بس انتو شنو رأيكم بالموضوع وشنو الحل فيدوني ولك الثواب عند رب العالمين ولاتنسو تدعو لي

انا وزوجي