تكفون انصحوني هو يبي عيال وانا اقوله نأجل احسن ؟؟
بسم الله الرحمن الرحيم
ودي لو انكم تنصحوني
انا صارلي اربع شهور متزوجه
وانا و زوجي كنا متفقين من ايام الملكه عن الانجاب
اننا نستنى سنة او سنتين الى ان نضبط امورنا
يعني انا اول سنة لي في الجامعة الين اشوف كيف برنامجنا
والى ان نصير فاهمين بعض اكثر
لكن الحين زوجي يقولي ان صار وقت نفكر بالاطفال
انا ماقلت شي بصراحة تحمست اول شي
لان كل وحدة فينا من صغرها تحلم تكون أم
لكن على حسب مااسمع او اقرأ ان الاغلب يقولون ان أحلى ان المتزوجين جديد
يصبروا على الاقل سنة حتى يفكرو بالانجاب عشان يتمتعوا اكثر بحياتهم
وانا من فترة شفت وحدة توها جايبة بيبي وسألتها اي أحلى انك تجيبي على طول والا بعدين
قالتلي احسن شي ان المتزوجين يستنوا على الاقل سنتين بعدين يفكروا بالأطفال
وانا اليوم قلت لزوجي :
اش رايك نأجل فكرة الاطفال شوي
زوجي كأنه انصدم
قالي :
ليه من اللي قالك أجليه>>>>>>>>>>>بصراحة قهرني لأن كان قصده يعني (انك تسمعي كلام الناس )
وانا والله ماحد قاللي
قلتله:
ماحد قاللي انا اللي فكرت بنفسي كذا اسمع انه احلى
قاللي :
لا اكيد احد قالك>>>>>>>>>>>>>انا هنا مرررررررررره انقهرت
قلتله:
والله العظيم ماحد قاللي ليش انت كذا
قاللي :
خلاص طيب بس (لا) مارح نأجل شي
وقلب وجهه وماادري وش صارله
قلتله :
ليش كذا طيب انا قاعدة اناقشك مو من حقي يعني اناقشك ليه على طول كذا زعلت
قال : مازعلت بس بصراحة عورني راسي من كلمتك هذه
وحتى يوم جا يروح دوامه المغرب حسيت انه لسى متضايق
بصراحة انا مره متضايقة لأن انا ودي بالاطفال وبنفس الوقت ماودي الحين
اذا حفل زواجنا الاول لسى ماجى
باقي عليه تسع شهور وانا من الحين قاعدة اخططله وكنت افكر البس فستاني بس اذا صار حمل كل افكاري وخططي مارح تزبط ومارح اقدر البس الفستان
بصراحة ماادري مرة محتاره
تكفون انصحوني
29-10-2007, 10:17 PM
ضوابط المشاركة
العرض الشجري