السلام عليكم ورحمه الله وبركاته


عمركم صرتوا بموقف تتمنون تذبحون الى قدامكم


ودكم تاخذونها وتفغصوووووووونها لين تعرف ان الله حق


وتعرف قيمه النعمه الى هي فيها وتحمد الله عليها

تدرون من هي الى نفسي اذبحها وافغصها

لصرتي جالسه من وحدة وجابوا طاري الزواج وهي متزوجه

قالت وبكل برود اعصاب وش لك بالزواج ووجع راسه

اتمتعي واستانسي والله انك بنعمه وراحه وسعادة

الزواج مسؤليه وتعب وانتي مو قدها عشتي يالي قدها انتي عاد


طيب يالي جالسه تتفلسفين علي هذا لو انا معرفك قبل ماتتزوجين وكنتي تموتين على الزواج


ودك تتزوجين اليوم قبل بكرة والحين تنصحيني ماتزوج دنيا عجيبه وغريبه الله يكفينا شرها


وين الى كانت تشاركنا همومنا ومتى اتزوج والله غير اعمل واسوي وان شاء الله راح ادعيلكم ومن هالكلام الحلو

ليش الى تتزوج تصير انانيه <<<لاتزعلون يالمتزوجات مو كلكم بس اغلبكم وهم كثر الله المستعان بس


ليش هالانانيه عند اغلب المتزوجات


يمكن انتي كانت تجربه زواجك صعبه


ويمكن عندك مشاكل بسيطه جدا بس انتي تكبرينها

ويمكن بس كذا جالسه تتكلمين حب سوالف بس

ليش تحطمين البنات خلينا نترزق ربنا مثل مترزقتي

خلينا نجرب الزواج ومسؤلياته على قولتكم وتعبه مثل ماجربتوا

خلونا نعيش حلم حياتنا بالزواج ونلبس فستان الزواج ونجلس بالكوشه عند ان شاء الله الازواج الصالحين يارب اللهم امين :14:


خلونا نفرح ونكون امهات مثل ماشاء الله انتم صرتوا امهات لا والى يذبحني يقولون تعبنا ومتنا من الهم والمشاكل

واشوفكم مامتوا مثل ماتقووووولون من التعب والمسؤليه وهم الزواج والعيال ماشاء الله

بالـــــــــعربـــــــي اقـــــــولكــــــم



ياهلا بهالمسؤليات والتعب الى تقولون عنه الى يجي مع الزواج

لاتصيرون انانيات لاتكونون انتم والمجتمع ونظراتهم وهمزاتهم وكلامهم


علينا خاصتنا كلام العيون اموت والا اشوف كلام العيون


صحيح بعض الناس السنتهم ماتتكلم لكن عيونهم تقول كلام صعب ويجرح يحسسك انك بعالم موحش


وخصوصا لصارت كلام العيون شفقه ورحمه على حالك <<<انا هنا خلاص بموت لشفت هالنظرة


بقولكم حاجه الحين سبحان الله اذا احد دعالكم ماتفرحون



انا اموت من الفرحه اذا احد دعالي انا وخواتي


لكن من فترة صرت سبحان الله تجيني غصه من الدعوات الى اشوف بعيونهم شفقه على حالنا


طيب ادعوا الله يجزاكم خير بس بدون هالنظرة هذي احسها تعذبني وتجرحني


محب هالنظرة نهائي حتى لو جت من اقرب الناس لي


وعارفه انهم يحبوني بس ماابغى اشوف هالنظرة

احس اني مو قدها

احس نفسي اموت والا اشوف نظرة الشفقه بعين احد


راح اقولكم سبب هالموضوع


كنا جالسين بالحوش قبل امس تعرفون بدايه الشتاء والجو روعه


حنا وخالاتي وحريم جيراننا وجلسه مافي احلى من كذا وناسه


جلست انا وخواتي (نشويلهم) وسوالف وضحك جلسه تنسيك هموم حياتك ومشاكلك كلها


بس سبحان الله لازم الواحد يتذكرى همه لازم في شي يذكرك بهمك


قالت خالتي قولوا اااااااااامين

قلنا اااااااااااااااااااامين


عادتها كم مرة كلنا تحمسنا نبغى نشوف وش تدعي اكيد لعيالها والا الشي


قالت يالله يعل السنه الجايه ((وسمت اسامينا انا وخواتي)) ببيوت رجالهن ونجي عندهن نتعشى


كلهم عاد جلسوا يقولون امين ويدعون لنا

انا هنا دوروني حسيت الدموع وقفوا بعيوني

تقولون وين العيب بالموضوع المفروض تنبسطين

انا عارفه خالتي قصدها خير لنا وتبغى تفرح فينا

والله والله نفسها تفرح فينا اليوم قبل بكرة لان خالتي هذي بالذات قلبها كبير


ورحيمه وتحبنا بالمرة لكن حسيت اني دموعي يبغون يطلعون


حاولت امسك نفسي لا اصيح قدامهم بالقوة مسكت دموعي وانا اسمعهم يرددن

نفس الدعاء يارب ترزقهن وتكبر حظوظهن وتسعدهن من هالدعوات الطيبه الى تشرح الصدر

لو كانت بظرف غير كذا يعني لو ماكانت هالنظرات معاها وهالشفقه الى شفتها بعيونهم


كنت بالعكس اجلس اقول معاهم امين وانا فرحانه ومبسوطه



لكن شفت بعيونهم نظرة الشفقه انهم شافقنين علينا انا وخواتي


خصوصا قدام حريم جيراننا


سبحان الله حسيت الدعوة مثل الغصه بقلبي مع انها دعووة تفرح الواحد والمفروض استانس


وافرح اذا احد دعلنا لكن مادري ليش دعوة الشفقه والرحمه الى شفتها بعيون خالاتي وحريم جيراننا للان


غاصه بحلقي وربي خصوصا في وحدة من حريم جيراننا الى كانت معاهم صراحه محبها ودايم نظراتها

غريبه يوم تشوفنا انا وخواتي تحسين نظراتها مادري وشلون بس مو نظرات حب والا جيرة


يالله طولت عليكم بس فضفضه بقلبي وكتبتها لكم على وعسى ان تصل الى قلوبكم