بسم الله الرحمن الرحيم


ضحكت حتى الثماله عندما رايتها تضرب بقدمها الارض ضربات متتاليه وترفع يديها محركه لها فوق وتحت .... فتذكرت الطفل الصغير الذي ان لم يعطى مطلبه زعل بهذه الحركه ( ماني ماني ماني )

اتت اليه تطلبه فستان لا اعلم هل ضروي.... لا اعلم هل هي طلبته بوقت روقان ... لا اعلم هل هو متمكن له ذاك الوقت

طلبته ورفض
فزعلت وهزت الارض بالاقدام معلنة حرب البسوس

علل بغير الضروره
قالت انت لاتفهمنا معشر النساء


علل بالمال الآن
قالت انت تكنزه وتريد الزواج بالثانيه

انتهى الخلاف بالقنابل المسيله للدموع وبخروجه من ارض المعركه

قامت فاتصلت بالصديقه
قالت صديقتها وش فيك اشوفك اليوم مهمومه ومنتي على بعضك

قالت خليها على الله والله انه ( ددددددددددددددددددددددددددددد )
قالت لها الصديقه الحنونه
ازعلي وطنشيه ولا تجلسين معاه كم يوم

وانتظرت الى ان قدم البيت فحضرت العشاء وتعشوا الربع ..... وبعد ماخلصوا حضرت له الشاي وقامت ... قال وين رايحه ...تعالي نبغى نسولف ؟ قالت تعبانه وابي انام ..

فقال : نومة اهل الكهف
فجلس لوحده يعد المربعات اللي بالغرفه .... واذا بالهاتف ( رن رن رن )

نعم
واذا هو بالصوت الرقيق العازف على اوتار القلوب
فقال هلا والله وش ذا الصوت الحلو اللي ماهو صوت الدركتن اللي عندي

تبادولوا الحديث لمدة ساعه واعطته الماسنجر حقه وقالت راح ارسلك صور عليه ...واقفلوا الخط
انتظر حتى اتت الصور على الماسنجر وشاهد وشاهد وشاهد والشيطان يشاهد والملائكه تسجل


ثم بعدها
ذهب لينام
ووجد زوجته في سبات وشخير واحلام الفساتين ..... انثبر جنبها

صحى الصبح وهي في شخير لم تحضر له الافطار كالعاده .... وحاطه مقاضي البيت بورقه على الطاوله .... اخذ ورقة المقاضي .

رن الهاتف واذا هي الصديقه الحنونه اللي البارحه .... قالت اشوفك تكلمني على الصبح وين زوجتك عنك ..؟.

فقال تشخر عساها للسحكيه >> السحكيه : كفرات السياره اذا ابطت بالمشي انمسحت وخرجت اسلاكها .

قالت : اييييييييييه ياحريم اول كان الرجال مايروح منها الصبح الا وهو راضي عليها وهي راضيه عليه ويحب يرجع لبيته بسرعه من اللهفه والوله

خرج من البيت وهو مستانس بالصوت اللي معاه وتعال ياحش بالزوجه
وحتى هو في الدوام قاعد يكلم ويكلم واحلام
قالت له : ممكن نتقابل الليله ..؟
قال : حلو وين اقابلك .
قالت : في مطعم النكهه اللي بشارع الغفله
قال : تم
طلع من دوامه وراح لبيته وه مبسوط ثم دخل الا وزوجته بوجهه .... وين المقاضي اللي وصيتك عليها
انا ماطلبتك فستان ... انا طلبتك اكل ابي املئ بطنك يامال الضارب .

دارت رحى حرب وهو لم يبدل ملابسه فضربها نومه بدون اكل .

اتصلت المحروسه على صديقتها وحكت لها مامدى جدوى الخطط اللي اعطتها لها قبل يومين بدون فائده ..؟

فقالت لها واصلي فقد قرب الفرج ... طنشيه لا تعطينه وجه ولا تجلسين معاه واتركيه يحس بالوحده حتى يختشي على دمه ويجيبلك فستان ..

قالت خلاص
صحى العصر ولم يجد غداء ولا قهوه ولا وجه يسر
وجد انسانه مقابله شاشه التلفزون تقلب بالرموت
جلس عندها قليلا وقال وين الغداء يابعد عمري ..؟
قالت بقلبها حلوه يابعد عمري اكيد النتيجه قربت بس لازم ازيد الجرعه واطلب انه يجيبلي خدامه .
قالت انا تعبانه بطني من الصبح ذابحني ورجولي وراسي ...
قال خلاص اجيب لي زوجه ثانيه تساعدك
هنا تلاشت احلام الخدامه وبقيه احلام الفستان .
المهم راح وتغدى بر واقبل الليل ابو الاسرار
فاتصلت عليه صديقته وواعدته بالمطعم المذكور
فكان ممعاه الا خمسين ريال بس
ووده يخليها له تمشي حاله كم يوم من طفرته
فاتصل على زوجته وقال لها : هاه صلحتي عشاء لنا ..... كان بامكانها تقول ابشر بالعشاء يبو عيالي وتقدم الموجود وتقول هذا الموجود ( راح يختشي على وجهه ويقول الحمدلله بكره اجيب لكي كل شي )
بس قالت الثلاجه صافيه يامال الصفوه
قال من يوم اخذتك والدنيا صفوه معاي

سكر بوجهها وقابل الحبيبه في المطعم

ناسف لقطع البث المباشر في الايام الفائته للظروف وساختصرها

تكمله


تبادلوا الاحاديث الوديه والعلاقات الثنائيه بين البدلين ... اقصد الزوجين

وابو سبيكه يفرط عندها السبحه ويظهر عيوب زوجته وهي تقول له كيف انت صابر
عليها ..؟

والله لو انها عند واحد من اخواني الرجال يمديها مطلقه منذ مبطي !

والصراحه اني اشوفك ترللي .

قال انا رجال بس اللي مصبرني عليها العيال ... قالت العيال مايموتون ..!

كيف تصبر على وحده وابسط حقوقك الجنسيه ماتلقاها عندها وتتغلى وتتعذر بالزعل والتعب وتصرف انتباهك عنه ... ؟ ( تقول الكلام هذا وهي متغنجه وعيونها ناعسه )

المهم انهم تعشوا وسولفوا وهو راح خرخر ... واعدته الخبيثه بيوم ثاني .

راح لبيته وقام يراضي زوجته لكن هي نافخه كيرها ...
( يقطع فستان يعمل هيك اجل لو شي ثاني وش صار ؟)
غبيه ... حتى شهوته الجنسيه اطفأتها وكرهها


ذهب الى غرفة الكمبيوتر وشغل الجهاز وقام يناظر الصور والمقاطع بتاعت الصديقه ودخل ماسنجر معها وتعال يالليل ماطولك .... الى ان خمد مابراسه

فدار حوار بينهم الى ان وصلت سيرت الزواج وبدأ يشتكي همومه مع زوجته والحقوق الاخرى
ردت عليه ان الحريم السنعات يعرفن كيف يتصرفن مع ازواجهن وكيف وكيف وقال انا عندي اصلا خبره بالعلاقات الزوجيه ! قال انتي تتطلعين مع احد غيري ..؟
قالت اعوذ بالله انا ماقلت كذا لا تحسبني من بنات الليل .... الدورات اللي اقول كلها اخذتها في مراكز وعندي خبره اجتماعيه وكيف اتفادى الصدامات مع الزوج وارضيه .!


قال اشو

قال ابي اخطبك توافقين ..؟

قالت انا مااتزوج الا زوجي بس احبه لي لحالي .... اتعامل معه اشكيله ويشكيلي اخفف احزانه وهمومه ووووووووووووووو دددددددددددددد

وماابي رجال متزوج .

الزوج المسكين بدا الحب يتسلل الى كراعينه ....

قال اصلا من قالك اني متزوج اصلا .... هي قطعت اثاث بس للحفاظ على العيال

قالت ولو
انا ابي رجال لحالي

قال اعتبريها مطلقه
قالت لا يمكن ترجع لها اذا تزوجتني وانا ماارضى الا بالصك اشوفه .
ابي افرغ طاقاتي اللي درستها بزوجي وحدي زوج المستقبل .

طبعا كلامها هذا كان بدلع وعلوم كبيره .

قال بكره نتفاهم .

وقفل الخط


نام بالغرفه لحاله يفكر ويتذكر نكد زوجته عليه ومشاكلها وسوء عشرتها ( الله يقطعك ياشيطان ياللي ماذكرته الا بسلبيات زوجتك ونسيته ايجابياتها )

نام وصحى الصبح

قام يصحي زوجته وما صحت
نقز معه الشيطان وضربها واهانها وقال لها قومي شيلي عفشك انا ابي اسافر ....

طاخ طيخ مشادات كلاميه .... شالت عفشها ووداها لبيت اهلها

وعلى طول للمحكمه وتم الطلاق ..... ( راحت الحكمه والعلوم ودخل الشيطان معه )

انتهت قضية الطلاق وبدأت قضية زواجه الثاني من صديقته الحبيبه .

اخذوا فتره من الزمن ليست طويله ورأى سوء عشره منها اكثر بقليل من زوجته الاولى ..... ودب الشك لقلبه وقعد يراقبها .... فوجدها خــااااااااااااااااااااااااااااااائنه

ضربها ضربا مبرحا وطلقها هي ايضا

تاه في متاهات الغزل ونال مانال حتى تاب الى الله توبة نصوحا

واخذ فترة يراجع نفسه ويتذكر ان الزواج لا بد منه لاحصان نفسه حيث انه به طاقه كبيره يريد ان يفرغها بالحلال ....

فكلم اهله وبحثت له امه عن زوجه فوجدتها

مالكم في الطواله

رزقه الله بزوجه قنوعه كريمه باخلاقها قلبها كبير مطيعه
فعاش عيشة هنيه ..






لا احد يقول ليش مارجع لام عياله

لان هذا مقدر له اولا

ثانيا نصحوه الرجال بان يبتعد عنها لان ابو طبع مايترك طبعه
وبعد تفكيره رأى ان البنات كثيره واخلاقهن مختلفه فتوكل على الله وبحث مع امه حتى نال من الله ماتمنى .... واراد ان يبتعد عن المشاكل فليس من المعقول ان ابنتعد عن المشاكل وارجع لها .

انا اقول لايزيد الجفاء وقت الخصام

واذا شدّ طرف لابد للطرف الاخر ان يرخي

__________________
اللهم اهديني وعافني واعفو عني واحفظ لي بنتي وولدي ووفقني في دراستي وحقق لي مااتمناه

السلام عليكم ورحمه الله وبركاته

مشكور اخي ساري10 على هذه القصه والتي نستوحي منها عدت اشياء ومنها طبعا ان كلا الطرفين في هذه القصه غلطانين وهذا ما استخلصته منها :

اجد ان هذا الرجل في هذه القصه بالغ في مجافات زوجته ,,,,,,, ولم يحاول ان يكون

هناك حل وسط فالمفروض عندما يعصب احد الطرفين لازم على الطرف الاخر تجنبه

الى ان يهدا ( اقول تجنبه وليس اهماله )ويحاولو ان يجدو حل وسط يرضي جميع ا

لاطراف ....... يعني كان عليه ان يرضي زوجته ويشتري لها فستان لاكن على

حسب مقدرته ليس شرط ان يدفع فيه دم قلبه

لاكن هذا الزوج ماصدق زعل زوجته حتى زاد في جفاءه ........وانجرف وراء الغلط

ونسي اوتناسى حسنات زوجته ولم يشاء الا ان يتذكر عيوبها حتى يبرر الغلط

لنفسه ولكي لايشعر بذنب خيانته لزوجته

وايضا لاننسى ان الزوجه هنا غلطانه وانها اعطت فرصه للناس ( صديقتها ) ان

يتدخلو في حياتها الشخصيه ......وطبعا هذي صديقه ليس فيها خير لاانها نصحتها

بمجافات زوجها بدل ان تعقلها وتقول لها مافي شي يستاهل كل هذا الزعل

ولو انها زوجه ذكيه لكان حالها احسن بكتير مما وصلت له ..... فكان لازم عليها ان

تقدر ضروف زوجها الماديه ولاتضغط عليه ....... وفي اوقات الزعل لاتتمادى في زعلها

وترجع لزوجها وتهتم به وتجعله اول اهتماماتها ولاتهمله نفسيا وعاطفيا وجنسيا واشدد على جنسيا

........ ولو انها استطاعت ان توازن بين كل هذه الاشياء وتكبر عقلها وتلعن

ابليس وتبعد كلمه ( النكد ) من قاموسها لكانت زوجه رائعه استطاعت ان تحافض على بيتها من الدمار .......

ادري كتبت تعليق اطول من القصه هههههههه

أسؤ شي في العلاقه الزوجيه عندالزعل ادخال الجنس في الموضوع يخرب كل الي بنوه مهما صارت مشاكل وقت دخول الغرفه ينسون ولو لفتره محدوده لأنها سبحان الله تحل أشياء كثيره..المفروض أتها فترة الخصام تأدي ماعليها كاملآ وتحاول في وقت روقانه تحنن قلبه عليها وتاخذ الي هي تبغى في حدود المعقول وشيئ يرضي جميع الأطراف,,والزوج الله يهديه ماصدق خبر وحده دقت عليه من الباب وفي نص الليل شبك معها وتزوجها بعد,,اللجؤ لغير الله لحل المشاكل هو أم المشاكل.. والله أعلم

__________________

	اللهم لك الحمد كما ينبغي لجلال وجهك وعظيم سلطانك

اوصلت لنا فكرتك باسلوب مشوق اخي الكريم ساري


فالزوجه الذكيه تاخذ ماتريد من زوجها وبطيب خاطر منه

باسلوبها الانثوي

وان اختارت النكد فهي الخسرانه لامحاله


ولاننسى انه ليس كل صديقه تستشار

فالبعض معول هدم لابناء



وفقك الله طرح مميز

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..

بارك الله فيك اخي الكريم على هذه القصة المعبرة

__________________

[frame="1 98"]اللهم بعزتك وجلالك ارزقنا من حيث لا نحتسب
ويسرلي زواجي وجعل ابنتي من الذرية الصالحة يا رب[/frame

]

نهاية القصة مالها طعم بصراحة!!!


لكن بشكل عام القصة فيها بعض الفائدة و التنبيه ... شكرا جزيلا

__________________

الرجاء ثم الرجاء ثم الرجاء من النساء المتزوجات عدم الزعل والابتعاد عنه واذا حدث زعل بين الزوج والزوجه
ان تبتعد الزوجه نهائيا ولا تحاول ان تقارن او تحاول ربط هذا الزعل المعاشره الزوجيه نصيحة متزوج من ذو مده طويله
الرجاء عدم الربط بين المعاشره الزوجيه واظهار الزعل لامر مع هذه العمليه التى لاتحتمل اى مبرر او سبب
ايتها الزوجه افعلى ماتردين ولكن انتبهى ان تربطين هذا الزعل بالمعاشره الزوجيه فهى والله خساره كبيره لن تعرفين نتائجها سوى عندما تحسين انتى نفسك بماسوف يحدث
تقبل تحياتى