بسم الله تزوجت من عشر سنوات من شخص احبه و يحبني رغم معارضة اهلي

لأختلاف الجنسية لكني تزوجته غصب لأهرب من حرماني من العاطفة عند أهلي

اللي يعتبرون احساسهم ببنتهم و مشاكلها كلام فارغ المهم الأكلو الشرب فقط.

المهم حياتي كانت صعبة مع زوج ما ادرى ليش هو كتوم و انا طلعت على كلامه

نفس أهلي ما اعرف ادلع و لا اقول كلمة حلوة و بعد اكابر شني مسويه كل شى

صح. زوجي بعد مشكلته ان امه متسلطة و طول الوقت يقارني فيها و يقول لي تبين

تكونين رجال البيت مع اني ارائي في الآشياء التافهة.بعد فيني طبع من أهلي أني

لما أزعل أزعل بالشهر و زوجي بعد عنيد حتى لو غلطان لا يحل المشكلة في وقتها

يخليني اطق راسي بالطوفة. ازيدكم بعد امي تكره و تقولي انت لازم تاخذين واحد

احسن منه شوفي خواتك رغم انه جامعي لكن مو "طبيب" نفس ما امي تبي.

المهم زوجي نبهني اكثر من مرة ان الزعل الطويل مو زين و انا مو فاهمة لانه طبع و

لانه اهلى كله يقولولي اني عبيطة ما تعرفين تتعاملين وياه. انا طول زواجي تعبانه و

مو فاهمه شى لاهو و لا اهلي و لا حتي نفسي لكن حبنا لبعد كان ممشى الأمور.

المهم من شهرين زوجي اكتشف عن طريق الصدفة انى خشيت عليه معلومة قبل

الزواج و لكن ليس لها علاقة بالشرف و لا الأخلاق لكن بسبب طريقة معرفتي به كنت

خايفة يعرف كل شى عنى و عند الزواج كملت اخفاء المعلومة لأن زوجي يكره

الكذب. لكن ما ادري الموضوع اخذ اكبر من حقة و كنت اكتشفت قبلها بأسبوع ورقة

مكتوب عليها رقم تليفونه و اسم غير اسمه و لما واجهته قال رفيجي حب يرقم و ما

كان عنه تليفونه شى غير منطقي قلتله مل اقدلر اعيش معاك المهم بعدها دور في

اغراضي و عرف المعلومه عني.كذبت مرة ثانية و حاولت افهمه ان المعلومه غلط

المهم كملنا الحياة و هو في برود كامل من ناحيتى حاولت اكلمه في الموضوع مافي

فايدة ما يبي يقولي اهو شنو حاس فيه. و لمل فقدت الأمل كلمت اخوه عشان

يدخل بينا راح قاله المعلومة حسيت بالأهانة لانه طلع اسراري رديت البيت و طلبت

الطلاق و هديت فراشى شهر مافى كلام و هو توقف عن صرفه على البيت و جاني

يوم باليل و قال لي انا راح اترك البيت لاتكلمنى على التليفون و قولي للعيال ابوكم

مات و هذا قراري. صدمت و لا تحركت ترك البيت راجعت نفسي لقيتني في بلد

غريبة من دون اهل عنى 3 اولاد رجلي صار له شهر ما يسأل و لا يصرف علينا و لا

يكلم عياله. حاولت استميله و اكتب ماسجات حب مافي فايده و لا يرد بالأخير قال

لي انه تعب و ما يبي يكمل حياته نفس ابوه في مشاكلو مره يقول مابي غش و

خداع قالي انسيني انا صرت انسان ثاني. ما أدري شنو قصده و ما ادري شنو

النهاية و ما ادري شسوي انا ابيه و احبه و الحين عرفت قيمته كتبت كل هذا له لكن

مافي فائدة. أرجوكم عطوني الحل اللي اسوية عشان يرجع.