هل من جد اننا ما نعرف قيمة الاشياء اللي لما نفقدها
السلام عليكم يا اخوان...
راح احكي لكم قصتي ... انا انسان خطبت من تقريبا 7 اشهر من انسانة انا مقتنع فيها ... المهم يا حلوين بحكم القرابة و بحكم الثقة اللي بيننا و بحكم اني انسان مستقيم اهلها سمحو لي اني اتكلم معها عالتلفون " لاننا كلنا مقتنعين ان الكلام عالتلفون ما فيه شي و هذي وجهة نظر" .... المهم ... اتكلمنا و عرفنا بعض و كل واحد ارتاح للثاني كثير و على فكرة احنا شوفنا بعض الشوفة الشرعية و البنت مبسوطة من شكلي و كلهم و لله الحمد يقولو عني وسيم و البنت شكلها يعني عادي و سمعت من ناس يقولون اني انا احلى منها لكن انا اشوفها بجمالي ... يا حلوين اللي صار اني حبيتها و هي كمان حبتني ...
مشكلتي هي الاتي ... ارسلها مسجااااااات بالهبل و اكتب لها احلى الكلام و اقول للقمر روح و انتي يا عمري تعالي محله .... ترسل لي رسالة وحدة و دايما نفس المحتوى ... انا اللي دايم يدور على صوتها و اذا ما اتصلت عليها ما تتصل بس ترسل لي رسالة .... يعني باختصار احس اني انا مشااااااااااااااااعري جدا جياشة و هي انسانة تحبني بس ما هي من النوع اللي تحب تعبر عن مشاعرها دائما تتنتظر مبادرتي .... انا اشوف البنات اللي متعرفين عليهم الشباب تجيب له المرض و ما يعطيه وجه و ادق عليه ليل نهار و تسال عنه على طول ...
طيب ليه هذا الشي ما يسو زوجاتنا هل المثل صحيح اللي يقول " اننا لا نعرف قيمة الاشياء الا حين نفقدها " و هل صحيح المثل اللي يقول "أن المرأة كالدنيا إن أقبلت عليها نفرت منك وإن أدبرت عنها تبعتك " ...
والله انا متاكد من حبها لي و متاكد انها تحبني لكن هذي النقطة خايف تاثر علي كثير انا انسان جدا رومانسي احب اللي يسال عني كل لحظة و هذا اللي كنت متوقعة و احب ان اللي احبه اذا ما يبادلني باكثر ما اعطي يبادلني لو بقدر ما اعطيه ....
مدري احس اني انا افرطت في مدحها و افرطت في السؤال عنها و افرطت في رسايلي و افرطت في هداياي احس اني لو ما سويت الاشياء هذي كلها كانت يمكن ما تخلي جوالي يرتاح و لو ثواني خصوصا و لله الحمد انسان مو ناقصني شي .. و الله ما عمري شفتي حالي عليها و لا عمري فكرت بحكاية انها حلوة و الا ما هي حلوة و زي ما قولت لكم سمعت من مقربين لي بالصدف يقولو اني احلى منها و لا همني هذا الكلام و عادي لاني حبيتها ....
مدري يا اخوان بسالكم .. هل لو خطيبتك او زوجتك ما تعبر لك عن مشاعرها و انت متاكد انها تحبك هل تزعل ؟؟ و انتم يا حلوات هل لو خطيبك او زوجك ما يعبر لك عن مشاعره و انتي متاكدة انه يحبك هل تزعلي ؟؟
ايش الحلول
التعديل الأخير تم بواسطة أبو فيصل ; 23-03-2008 الساعة 09:01 PM
23-03-2008, 05:54 PM
ضوابط المشاركة
العرض الشجري