العلاقة بين (اعلان الرغبة بالزواج00وحياء البنت)موضوع ضايقني !!
السلام عليكم ورحمة الله وبركاته
قبل قليل قرأت موضوع ضاااااااايقني في منتدى نسائي
تقول صاحبة الموضوع إنها انصدمت من كم المواضيع اللي تكتبتها البنات المتاخرات في الزواج ويعلن فيها عن رغبتهن في الزواج ومايسببه هذا التأخر من ضيق وحزن ..
وإن هذا - من وجهة نظرها- يتعارض مع حياء البنت ..
ياسلااااااااااااااااااااااااام 
يعني أنا ألحين صرت مااستحي على وجهي ..
والله اقولها ثقة إني اكثر بنت معروفة بالحياء في عايلتنا وينضرب فيني المثل بالحياء ..حتى اللي كان متملك علي طفش من شدة حيائي ..
وبعدين إحنا مانصرح برغبتنا في الزواج لكل من هب ودب
إحنا نكتب في النت ويردون علينا ناس مايعرفونا ونعبر عن مشاعرنا من وراء حجاب لاحد يعرفنا ولا نعرف حد ..
وبعدين ليش فيه في المنتديات أقسام للمشاكل الإجتماعية
بالله عليكم تأخر الزواج او ماتسمونه العنوسة مو مشكلة إجتماعية وخطيرة بعد ..
مثلها مثل الطلاق وغيره ..
احنا لما نشكي نفضفض باشياء يحرم علينا مجتمعنا الخوض فيها ..
نواسي بعض وندعي لبعض ,,
وبعدين شدخل الحياء في الموضوع \\
يعني انا مثلا كثير كتبت عن موضوع الزواج
بس والله الذي لا إله إلا هو لم اكتب ولا افكر في الزواج بسبب الشهوة نهااااااائيا والحمد لله
لكن نظرة المجتمع تذبح وتغير صديقاتك عليك بعد زواجهم يفقع المرارة والامومة حلوة ..وبس
ولا شرايكم ؟!!
__________________
[color=#
FF0000]أي وحدة من معارفي تتطلع على مواضيعي أو تتعمد تتبعها والله ماأحللها لادنيا ولاآخرة [/color]
يا جباااااااااااااااااااااااار ..اجبر خاطري المكسور
اللهم ادخر لي عندك مايرضيني ويرضيك عني وبلغني الجنة
أنا متيقنة أن رحمة الله وكرمه ستحيط بي ..
04-04-2008, 10:20 PM
ضوابط المشاركة
العرض الشجري