السلام عليكم ورحمة الله وبركاته
كيفكم ؟؟

بصراحه انا اول مره اطرح لي مشكله هنا
هي عاد مو مشكله مشكله
بس محتار وابي رايكم

انا قررت ادور لي على بنت حلال
لقيت اللي انا ابيه
" طبعا انتهينا من الاستخاره وملحقاتها " ^_^

لكن المشكله اللي مقلقتني شوي هي العمر
عمرها 25 .. نفس عمري
مدري وش تقولون في فارق العمر؟؟ .. والشئ الثاني بالنسبه للعمر:

انتم تعرفون ان الحرمه تكبر قبل الرجال .. صح والا لا ؟؟
فأنا افكر قدام .. يعني عيال او تربيه
يعني راح يكونون العيال صغار وهي كبيرهـ .. ممكن ماتتحملهم ..
او يتعبونها
والشئ الثاني
انا اشوف ان انسب شي يكون عمر الزوجه مقارب لسن الاطفال
يعني بتفهمهم .. وبتحن عليهم اكثر
تعرفون .. الواحد لما يتقدم به العمر يصير قاسي شوي

مدري وش تنصحوني به ؟؟
عمرها مناسب او اشوف غيرها ؟؟

"" خذوا راحتكم .. ماني مستعجل "" ^_^

اخوكم

شوق والم

انت تقدمت لها و الا ما بعد ؟

أنا أرى أن فارق العمر مهم بين الزوجين ( الرجل يكبر عن المرأة على الأقل 3 سنوات وأكثر حتى 10)
لكن انت إجلس معها وشوف طريقة تفكيرها وكلامها ولو عجبتك توكل على الله.
أما بالنسبة لموضوع الشكل فالمرأة فعلا تكبر قبل الرجل وشكلها بيكون عجوز عنه ولكن ذلك بعد ما توصلوا للستين وليس الآن.

اهم شيء تربيتها اخلاقها تدينها مو عمرها (:

أعرف رجال تزوجوا من تكبرهم و عاشوا بسعادة و هناء
و أعرف من تزوجوا من تصغرهم بسنوات فكانت النتيجة الدلع الزايد , قلة الإحترام , تلاقيها لا نافعة في بيت و لا مطبخ و لا تربية أطفال محتاجة اللي يربيها

و العكس صحيح لان الناس تتفاوت في اخلاقها

أهم شيء تكون مرتاحلها و مرتاح لعلاقتها بربها و أهلها و معارفها

و مبروك

اذا ماكنت تقدمت لخطبتها او تكلمت عنها
فالافضل انك تشوف وحدة اصغر منك بـ 5 سنوات الى 12 سنه >> وجهة نظر لا اكثر ولا اقل
ولكن من الممتاز انك خبير في العمر وان المرأة تؤثر عليها الولادة والالام اكثر من الرجل
لهذا ابحث عن فتاه اصغر ولكن لا تجعل هذا الامر فقط هو الذي يهمك ويكون مقياس اختيارك
فالاخلاق والدين والتربيه اهم بكثير
ولكن بالنسبة لي هذا الموضوع ايضاً مهم نفسياً ومعنوياً ومستقبلياً


تمنياتي لك بالتوفيق ...

__________________

لاحول ولاقوة الا بالله
اخي 25 جدا سن حلو ومناسب
بالعكس فيها نضج وتقدر تربي عيالك تربيه اسلاميه وحكيمه
الجمال جمال الروح و25 راح تعرف كيف تهتم فيك كزوج وكأب
توكل على الله
مبروك مقدما
أي سؤال انا حاضره

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح

اختي في الله، لو الرجال رح يتزوجون اللي اصغر من 25 ومن 25 ما راح يتزوجون وتشجعوهم على الأفكار الرجعيه راح يعم الفساد بطريقه غير مباشره
لم تحرمون على بنات الناس الأمومه
اقول لكم الدين والعقل اهم من هالتفكير

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح

أوافق الأخ نايت على كلامه

العمر عمر العقل
أما العمر البيولوجي لا يعبر عن شيء أبدا فهو عداد لساعات و أوقات انقضت لا أكثر

في نقطه مهمه قلتها وتبشر بخير
تقول صليت استخاره ولقيت اللي ابيه
يعني ابعد الوساوس
اعرف زيجات كثيره الزوجين بنفس العمر واشوفهم متفاهمين وسعيدين
مدام استخرت الله ، الله ما راح يضيعك
وبالعقل نفترض بغيبت بنت اصغر منك ، فرق سنه او سنيتن ما فيها فرق
ليست مساله السن والعمر، في زوجات صغار اطفالهم مع الخدامات ، وبعضهم ما يعرفون اساسا ايش تربيه
البنت الواعيه هي اللي تعرف تربي عيالها وتكون لهم صديقه

توكل على الله

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح

اخي اولا الف مبروك الخطوبةوالف مبروك على طريقة تفكيرك لان الزواج جد مو لعبة شوف اخوي انا اوضح لك المسالة لان انا و زوجي نفس العمر هو اكبر مني 6 اشهور في بعض الاحيان خصوصا بالامور اللي تتعلق بالدين ابين انا اكبر منه وبعض الاحيان يبين هو اكبر مني بكثير وكانه من غير جيل والانسان بطبعه مو بعمره يعني انت فكر بشخصيتها اكثر من تفكيرك بعمرها والله يوفقك ان شاء الله وانا وجاهزة لاي استفسار