السلام عليكم
أنا طبعا مبتدئة مطبخ و على قدي , و لأني لوحدي بمشي حالي بأي أكل دايما
قررت أعزم أهلي النهاردة على الغدا
و من امبارح و أنا بحاول أعمل حاجة حلوة من الأكلات لموجودة في المنتدى و في مواقع تانية
لكن الفشل الذريع ملاحقني
مرة الدجاجة انزلقت من ايدي لتقع في الزبالة مباشرة فكان مصيرها لقطط الشارع
مرة الأرز احترق
بحاول و أحاول و مش عارفة أعمل ايه
الأرز هنا مختلف عن الأرز البسمتي اللي بعمله
و دخت على بهارات لكن مش لاقية و أنا لسه جديدة في مصر لو رحت بعيد ممكن أتوه
مش عارفة أعمل ايه بجد , قررت اني أجيبلهم مشاوي من بره لكن حاسة بغيظ من جوايا , نفسي أطبخ شيء مميز و مش عارفة , ياريت يا أخواتي اقتراحاتكم
عايزة أكلات بسيطة و ما فيهاش بهارات كتير
و ازاي أضبط الرز المصري ؟ بالنسبة لإرتفاع الماء و كمية الملح
طيب حد اتعرض لمواقف زي دي قبل كده ؟
أنا كنت بعرف أطبخ لكن كل حاجة اتمسحت من دماغي فجأة !!

__________________