اسعد الله مساكم جميعا اخواني واخواتي في هذا المنتدى الرائع ...
اليوم مريت بمشكله واحس اني طول اليوم مقهورة بسببها والى اللان ماعرفت انام ؟؟؟
اليوم طلعنا طلعه عائليه مع زوجي العزيز ... انا والعيال والخادمه ... المهم اول ماطلعنا من البيت رحنا مشوار قريب واحنا راجعين رجعنا من جهة البيت .... فوجئت فيه يسالني وين احنا ؟؟؟ قلتله احنا عند البيت طبعا جاوبت على نياتي ... تخيلوا رد علي وقال زين فهمتي وله انتي ماتفهمين دايم غبيه في الوصف ....
تخيلوا السالفه مرة مالها داعي ولا له داعي يهيني ... سؤاله اصلاموفي موقعه .
المهم انا سكت وابتسمت وعديت الموضوع ...
مشينا شوي سالته بنتي قالت بابا فين رايحين ؟؟؟ قالها يؤ شكلك ماتفهمين زي امك رايحين الكورنيش طبعا ...
برضوه عديتها ...
طبعا انا مسويه قهوة لاني كنت مستعجله ماسويت حلى ... فقلت وشرايك تجيب لنا كنافه ... قال لا ناخذ عيون المها ... قلت كنافه احسن ... قال والله ماتفهمين وش هالغباء اللي يبيع هذا يبيع ذاك ...
يالله هنا خلاص بديت اعصب بس قلت اعديها ...سكت شوي بعدين قلتله في شارع المطاعم في محل الكنفاني خذ لنا منه ... قال وين بالضبط ... قلت اتوقع جنب صب واي .. وصلنا صب واي ومالقيناه ... ويالله على اللي صار ... طول الطريق وهو يضحك ويقول((( انا قايلك انتي ماتفهمين ... مخك مدري كيف صاير ... ركزي يابنت الناس ... والله غبااء ....ويرجع يعيد المشكله انك ماتفهمين )))
هنا خلاااااااااااااااص مرة عصبت تخيلوا حتى الشغاله والعيال قاموا يضحكون علي وهو يضحك معاهم ...
قلتله انا ماافهم ؟؟؟ ليه ماتثمن كلامك قول ماتدلين ... او ماتعرفين الطريق في مصطلحات كثير توصل المعلومه غير كلمة ((ماتفهمين )) لقيته رد وبكل هدوء لاانتي ماتفهمين ..
قلتله ماتفهمين يعني غبيه .... قام يضحك طبعا والشغاله والعيال يضحكون ...

هنا رديت عليه وانا عمري ماغلطت عليه بس والله من القهر ... قلت على الاقل يوم تتزوجني اخذتني جامعيه موطالعه من الثنوي بالموت ...((طبعا هالكلام كنت اقصده بس انا احس مااهنته بقوة لان كلامي ماكان مفهوم لاللشغاله ولا العيال لان العيال صغار والشغاله ماتفهم عربي كثير ))
اخذها بضحك وقال بس كملت الجامعه ... قلتله ايه بفضلي ..((طبعا لاني انا اللي توسطت له ))
هنا عصب وقام يهاوش وقال انتي ماتستحين ومن هالكلام ..
والله ياجماعه.. اني حسيت الدنيا دارت فيني وحسيت بغلطتي وانبني ضميري ... بغيت في ساعتها احب راسه واعتذر بس كرامتي منعتني لانه اهااااني بقوة وكرر كلامه كم مرة..

بعدها رحنا جلسنا على الكورنيش عشان الصغار ... هم يلعبون وانا جالسه اتفرج بس فيني قهر موطبيعي..
قلت له وقتها بصوت مخنوق انا لوماافهم كان ماربيت عيالك ولاصنت بيتك وعيب تكلمني بهالطريقه قدامهم ..
انا مارضى اقول للشغاله ((ماتفهمين ولاغبيه )) كيف انت تكلمني كذا قدامها ؟؟؟

قال حتى انتي غلطتي وسكر النقاش ..
طبعا انا اللحين اعامله عادي لاني احس اني غلطت نفس غلطه واكبر ... بس احس داخليا بقهر ماادري ليه بالضبط .. يمكن قهر لانه اهاني ... او قهر اني غلطت عليه موعارفه بالضبط .

اللحين سؤالي لوعادها مرة ثانيه وش اسوي ؟؟؟ انا الصراحه مااحب احد يهيني ولااحب اغلط على احد ... فمابالكم ان كان زوجي؟؟؟

لو عادها تاني امسكي اعصابك ولا تتنرفزي ابدااااااااااا عشان ما تضيعي حقك

بس لو طلب منك طلب مهم قولي له كيف اسويه وانا غبية؟؟

__________________

مشكورة حبيبتي زوجة احمد ... ويسعدني انك اول من رديتي علي ...
فعلا اناسويت كذا ... لان اول ماجلسنا في الكورنيش جلسنا في مكان مرة فاضي ومافيه احد العيال قعدوا يصيحون موعاجبهم المكان ... وهو موعارف السبب ...
قلتله يعني من جدك تجيبهم مكان فاضي ... هم يبون اطفال يلعبون معاهم ... قال ليه ماقلتي من اول ؟؟؟
قلت لاني غبيه وماافهم وكلامي مايعجبك ... قال صح اشوى انك عرفتي !!!

الا زين ماسويتي ..على الاقل انت رديتيها له بدون ماحد حس فيكم ..عكسه هو قدام عيالك والشغاله..موفقه..

هلا يالغاليه ... مشكورة حبيبتي على المرور .. بس انا كذا ضيعت حقي وانا حسيت اني منيت عليه وماكان ودي يصير هالشي ... بس هو قهرني

مو معناه اذا غلطتي انه مو غلطان بالعكس هو اللي خلاكي توصلي لهذي المرحلة
انا لو مكانك كنت مسكت اعصابي لحد ما انفرد به و ساعتها يمكن ابرد و انسى او يمكن اكلمه بيني و بينه بدون تدخل احد و هذا افضل

خليكي احسن منه و اعتذري منه و هو حر يعتذر او لا لكن انتي اعملي بأصلك
و الله يهدي سركم

__________________
رب لا تذرني فردا و انت خير الوارثين

هلا دودي حبيبتي ... والله انا حاولت امسك اعصابي كم مرة بس ماقدرت ... وصدقيني انا متاكده ان العيال والشغاله مافهموا ابدا الموضوع او اني غلطت عليه ... وربي انا ماارضى عليه اي شي بس هو نرفزني للاخير .. والموضوع تافه مايستاهل ...

وانا نسيت اكتب اني اعتذرت له وتاسفت له بعد اول ماجلسنا على الكورنيش بس هو اصر انه ماغلط واني بس انا غلطت وسكر الموضوع نهااااااائي ... بس بدون زعل لكن اكيد شايل في خاطره

عذراً و لكني ضد الاراء التي تقول ردي لزوجك كلامه..لانه احيانا الزوج قد يفهمها انه اعتراف صريح منك بكل كلمة قالها...

اختي اذا سألك و تكرر معك هذا الموقف..اخبريه مثلا بوصف المكان وقولي له او اين انتم بالضبط..و اختتمي القول...بعبارة اكيد حبيبي يعرف ..هو من نفسه سينحرج..من ان يقول لك شيئا..و نصيحة..لا تبيني لزوجك انك جاهلة بالامور الحياتية..و لا تبيني له انك عارفة بكل شئ لدرجة انه يفكر انك قد تستغني عنه..كوني بين بين

__________________
اللهم احفظ اخي و ارفع عنه..و اكشف ضره..و اعده الينا سالماً معافى..عاجلاً غير آجل..

و احفظ اهل بيتي من كل سوء...

يا حي يا قيوم برحمتك استغيث..
حسبي الله و نعم الوكيل..
لا تنسونا من الدعاء..

هلا بمشرفتنا الغاليه..
مشكورة على نصيحتك ... بس والله هذي حياتنا انا اعتمد على نفسي في اشياء كثير اصلا احيانا اسبوع كامل يكون بعيد ومانشوفه بحكم عمله ... لكن لما يجي اعتمد عليه في بعض الامور ... يعني ابي ارتاح شوي... الغريب انه بعد كل هالمسؤليه اللي شايلتها ... يقول غبيه وماتفهمين .

حبيبتي لا تزعلي ابدا ابدا والله انا احيانا والدي بيتعصب وبيخرج عن شعوره وممكن يقول لامي كلام صعب قدامنا ولكن امي لا ترد وطبعا هي لا تتنازل عن حقها ولكنها لا ترد ولا تكلمه ابدا وابي يظل يحاول ان يكلمها بعد ان يهدأ ولكنها لا ترد حتى يشعر بخطؤه ولكنها طبعا تطيعه اذا قال لها تعمل كل شيء لكنها تفعله دون ان تكلمه

اصلا انا امي ما شاء الله عليها بتعرف ازاي تسيطر على الوضع حتى ابي بيقول عنها انها تتحمله لكنها تقيله:20:

حبيبتي لا تزعلي ابدا انا اقول لكي لماذا انتي زعلانه لانك حسيتي انك ضيعتي حقك يعني هو لن يشعر الان بغلطه عليكي
نصيحتي روحي كلميه بهدوء وبوسيه وقوليله انا غلطت وعارفه خطئي لا تزعل مني ولكني حسيت بالاهانه حسيت اني ولا اسوى في نظرك حاولت ان اسكت اول وثاني مره لانني احترمك ولا يجب ان اقول لك ما يغضبك انت لا تشتم الشغاله بهذه الطريقه فكيف زوجتك كيف ستحترمني الشغاله والاولاد بعد ذلك وانت تشتمني امامهم انا اعلم ان ما فعلته اكبر من خطؤك ولكني احبك ولا استحق منك ذلك بصراحه انا زعلانه منك

انا اعرف حبيبتي ان هذا صعب لكن صدقيني هو انجرح منك ويمكن يحس انه اقل منك لا تتركي هذه الفرصه وصدقيني سوف تكبرين في نظره جدا الله يوفقكم ويسعدكم ويبارك فيكم

__________________