السلام عليكم ورحمة الله وبركاته

كيف حالكم جميعا

عندى استفسار ياريت تجاوبونى عليه بارك الله فيكم

ابنتى عمرها شهر ويومين ربى يبارك لى فيها ويحفظها من كل سوء

بعضكم قرأ مشكلتى فى قسم النساء والتوليد أنها من أول ساعة فى ولادتها وهى رافضة الرضاعة الطبيعى بصورة مستميتة

ظللت أحاول معاها أول أسبوعين أنها ترضع منى ولكن كانت تاخد مقدار قليل جدا بالشفاط وتظل تصرخ لحد ما أدخلت لها الحليب الصناعى - والامر ده تاعب نفسيتى جدااااااااا - ولكن الحمد لله على كل حال

المهم هى كانت الاول ترضع منى قليلا عن طريق الحلمة الصناعى وبعدها اعطيها حوالى 40 أو 50 سم صناعى فى الببرونة تاخدهم مرتين فى اليوم وتشبع عليهم

أما الان بعد شهر من ولادتها زادت الجرعات جدا بطريقة تقلقنى لأنى بأحاول معاها بالحلمة الصناعى وبأشوفها تشفط من صدرى ولو كان قليل ولكن بتظل تشفط لمدة مثلا ساعة كاملة أو أكثر

ومع ذلك تظل جوعانة وتصرخ ولا تشبع إلا لما أعطيها جرعة حليب صناعى وصلت الأن ل 120 سم - ماشاء الله تبارك الله -

والامر ده يقلقنى لأنى شايفة المقدار ده مع الرضاعة الأخرى بالحلمة من صدرى شايفة كدا كتير اوى على طفلة فى عمرها خاصة ان الامر ده بيحصل فى اليوم ثلاث مرات لا تشبع بعد صدرى الا ب 120 سم

ومرتين كمان بتاخد حوالى 60 او70

فأنا كنت عاوزة أعرف هل ده كدا معدل طبيعى وكل الاطفال بتاخد الكمية ده والا بنتى بتاخد زيادة عن طاقتها وخاصة انها بترجع كمية كبيرة بعد الاكل بحوالى ربع ساعة وكانت فى الاول صغيرة ولكنى بالاحظ انها كل يوم بتكبر بسرعة ماشاء الله فأنا خايفة تتنفخ زى ما بيخوفونى من الحليب الصناعى وتسمن أوى فهل الكلام ده صحيح وهل الجرعة ده ممكن تعمل لها كدا؟

وهل ممكن الجرعة تزيد اكتر من كدا وبعد اد ايه ممكن تزيد وكم المقدار الى هتزيده؟

ارجوكم ردوا على أسئلتى كلها ولا تهملوها

__________________