السلام عليكم ورحمة الله وبركاته


كيف الحااال...انا جديده على المنتدى ..واتمنى القى الافاده لي فيه

بدخل في الموضووع وابي الحل منكم يااهل الخبره

انا تطلقت ولي سنه وكم شهر ومن تطلقت وطليقي حاول يرجعني بس بسبب ماسوا فيني


ووالمشاكل اللي صارت جاته رده فعل اني ماابيه وهو فعلا في البدايه ماابيه

بسبب اللي صار معه لدرجه اني كرهت نفسي

والحين هو يبي يرجع لي وكلم واحد من اهلي على اساس انه يبي يرجع لي

بس خايف من ردي عشان هو حاط في باله اني ماابيه..وانا عكس كذا

من جد الحين احس اني محتاجه له وابيه ولا عارفه وش اسوي

ابي حل تكفون ابي ارجع له مع العلم اللي مااعرف عنه شي حاليآ

لانه حاول يدق علي بس انا رفضت بسبب اني مانيب على ذمته

ارجوا افادتي ..وشكرا

الاشراف:عذراَ.. تم تعديل في العنوان

بجد خلي اللي كلمه يرد عليه بسرعة ولا يصده بس يفهمه انه يحتاج مهلة عشن يقنعك وانك رافضة وووو بس بيحاول
وبعد المهلة خليه يقول اوكي لانت بس تحتاج وقت تفكر
وارجعي ترا بجد حتندمي لافات الفوت
ياااااااااااااااااااااااارب مايصير كم يوم واتا بذمته ياااااااااااارب

قومي ركعتين بالليل وادعي واتضرعي وطول اليوم استغفري وصل عالنبي ورب يفرجها
قلبي معاك والله

ارجعي له وعطيه من مشاعرك الطيبه وعليك بالبشاشه وطيب المعشر ولا تتاخرين ترا اذا فات الفوت ماينفع الصوت وانا اخوك
وحذاري انك تفتحين صفحة الماضي الي خلتكم تفترقون

انا ماعندي مشكله ارجع ...

هو كلمه بس مره واللي من اهلي انا احتري منه رد ولين الان مارد عليه لان اللي من اهلي يحتري منه رد

لو كلمه مره ثانيه كان رد علي

وانا متأكده انه هو متردد في اشياء

وانا خايفه من بعدين

والله اني ادعي واحن له كثير ومااحس اني ابي احد ثاني غيره

ربي يسهل عليكِ ويفرج همك....وتردين زوجه جديده عشان تبدين حياتكم من اول وجديد....بس كتبي شروطك و عيشي معاه 6 شهور تجربه من غير عيال،،،،،وربي يوفقكم....وعسى تحن زوجتي علي مثلك وتطلب ترد

السلام عليكم ورحمة الله وبركاته

اختي الحبيبه انا مطلق وحاس وعارف انصحك ان كان ندم وعندك منه عيال وخلاقه جيده يعني لا يسكر ولا مدمن مخدرات ويصلي انك ترجعيله بس زي ما قالت الاخت فهميه انهم لسه يحاولون معك يعني لوعيه شوي بس لا تضيعيه من يدك



انصحك ارجعيله وادعيلي

يااخوي والله مافيه شي من ذا بس فيه مشكله بس ماهي كبيره

يعني انا راضيه فيه ..بس هو كبر الموضوع الى ان وصلنا للطلاق

بس انا ابي ارجع بس كيف الطريقه ابيه يدري اني ابي ارجع له

بس طبعآ بمحاولات من اهلي عشان مايكبر راسه

بس ابي الطريقه كيف ؟؟

مع العلم اني ماادري عنه ولايدري عني

بس ماعدا يوم يكلم وحده من جماعتنا والا انا مدري عنه

ولا ادري وش صار وانا ماابي اسال وش صار عشان يمكن هو قال كذا عشان يعرف اذا انا باقيه ماتزوجت لين الان او لا


لان لين الان ماجاني خبر عنه ولا شي

وهذا الكلام له اكثر من شهرين

والله قصة طليقك زي قصتي هل ممكن انها راح يجي يوم وترجعلي
ادعيلي امانه الفال لي ان شاء الله وابغي اعرف يعني ياليت تردي يعني البنت لما تبلغ طليقها عن طريق اهلها انها ماتبغاه ممكن تكون زعلانه ولا مجروحه ولا هي في نفس الحظه صادقه وبترجع وتندم
ياليت تردي من خبرتك

اكثري من الدعاء والاستغفار وجمع الله بينكما على خير واسعدكما

وومكن ارسال رسالة انك ليس على ذمته بس راجع اهلي والله يجمع بيننا على خير

__________________
اللَّهُمَّ إِنِّي أَسْأَلُكَ الثَّبَاتَ فِي الأَمْرِ وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْباً سَلِيماً وَلِسَاناً صَادِقاً

لاوالله مجروحه ومصدومه منه

لاني ماتوقعت منه كذا