السلام عليكم ورحمة الله وبركاته

بصراحة انبسطت لما وجدت التعاون بين الإخوان في المنتدى والدليل المشاكل الكثيرة الي انحلت لذلك حبيت اطرح مشكلتي لكم واتمنى القا حل مع اني كلمت واستشرت مشائخ و استشاريين في الموضوع وما وجدت شي يشفي الغليل لأني ابغى حلول عمليه اذا امكن .

انا متزوج من 5 سنوات من اول شهر احنا في مشاكل ، احب زوجتي وتحبني جدا ، بس المشاكل مستمره ، اكتشفت بعد سنه انها مصابه بمرض نفسي ( حسد ) ، راعيتها وحاولت اساعدها لمحت لأهله قالوا انت موسوس ومافي شي اسمه عين وحسد ، قرأت عليها بنفسي تكلم الجني على لسانها ، بعد سنتين تقريبا رحت لشيخ قرأ عليها اعطانا علاج وطلعت مسحوره ، واقسم بالله اني اعطيه الدوى بيدي واغصبها عليه بالقوة ، وتعبت معاها لدرجت انها في اسبوع اشتد عليها المرض كانت تخنق الولد ، وابقى معاه سهران الين الصباح وكم مره اداوم مواصل ، مع ذلك احبها وتحبني والمشاكل مستمره ودايم في خصام ، قلت لأهلها ونفس الكلام ماحاولوا يعالجونها ولا شي ، وبصراحه طفشت ابغى ارتاح واستقر شويه مع العلم انها تدرس وعارفين لازم تقصر ، وانا بصراحه قلتلها رح اتزوج ، رفضت وزعلت وصبرت لين ما طفح الكيل ، وسبق وقلتلها بطلقك انت مظلومه معي ورفضت لأني بصراحه تمر ايام انام لحالي ، وازعل بسرعه وما اتحمل ترد عليه وضربتها بسبب عنادها ، وهي صابره وشكت لأهلها وصار صلح واحيان تصبر واحيان تشكي وإذا جلسنا مع بعض نتفق اننا نتفارق لأننا نحب بعض وما احد قادر يسعد الثاني بس نتراجع ، اذا وديتها عند اهلها اشتاق لها ولهذا السبب قلت لكم اني احبها ، واذا جت اتضايق!!!!!!ممكن يكون بيننا سحر او حسد ، لأن بصراحه محسودين على بعض وما تهنينا في بعض الحمدلله على كل حال.
انا الآن تزوجت الثانيه وارتحت الحمدلله والأولى راحت لأهلها حاولت تمنعني من الزواج وقلت لها ارجعي قالت طلق زوجتك وارجع طبعا ايام الملكه رفضت وتم زواجي من شهرين وهي عند اهلها تطالب الطلاق وانا اريد ارجاعها.
المطلوب منكم احبتي....ارشادي الى حلول عمليه لأرضائها ثم هل من الممكن ان تعود الي مع اني رحت لأبوها مرتين مره قبل الزواج ومره بعد ما تم الزواج وقال :طلق البنت ،وهي ترسل رسايل بعد الزواج بسرعه طلق اما قبل الزواج كانت تحاول تمنعني اتزوج وقالت برجع معاك ،عندي منهأ ولد وانا ما نيتي اطلق،ثم ياليت اذا احد يعرف زوجه رجعت لزوجها بعد ماتزوج عليها ، فهذا شي يعطيني أمل.وياليت الجميع يصبرني لو بكلمه.
(((((من فرج على مسلم كربه فرج الله عنه كربة من كرب يوم القيامة)))))